بالفيديو.. مرتضى منصور: «السيسي كان أسد في خطابه».. «بعض نواب البرلمان ممولون».. يهاجم «منى مينا»: «عايزه تخربي البلد ولا إيه يا حبيبتي».. ويفتح النار على عمرو أديب ولميس الحديدي

أجري الإعلامي ممتاز القط مداخلة هاتفية ببرنامج «حصريًا مع ممتاز»، المذاع عبر فضائية «العاصمة»، مع المستشار مرتضى منصور، تحدث خلالها رئيس الزمالك عن خطاب الرئيس عبد الفتاح السيسي أمس الأربعاء، وهاجم الإعلاميين عمرو أديب وزوجته لميس الحديدي، كما وجه نقدًا لاذعًا إلى مني مينا وكيل نقابة الأطباء.
علق مرتضى منصور، عضو مجلس النواب، على خطاب الرئيس عبد الفتاح السيسي أمس الأربعاء قائلًا: "«أنا مبسوط من خطاب السيسي أوي.. هو ده الأسد اللي قال أي حد ييجي ناحية مصر هقطع رقبته".
وأضاف: «النهارده أحسن خطاب من السيسي للمصريين؛ لأن الدنيا كانت باظت، وكله عمال يشتم في القضاء والشرطة، بس السيسي النهارده سكِّت الكل».
وهاجم مرتضى منصور، الإعلامي عمرو أديب، وزوجته الإعلامية لميس الحديدي قائلًا: "فيه مذيعين غلابة وفيه مذيعين بياخدو 12 مليون جنيه.. ومراته بتلبس ذهب بمليوني جنيه، وبتطلع بيه على الهواء في قناة CBC وعمَّاله تتأمَّر على الوزراء".
وأضاف: «إنتو مش قفلتوا قناة الفراعين بتاعت عكاشة علشان قال كلمتين؟ إنتو ازاي سايبين قناة CBC لحد دلوقتي؟ ده حتى خيري رمضان جاب واحد عشان يشتم نساء الصعيد الشرفاء.. ده غير أبلة فاهيتا اللي بتطلع تقل في أدبها".
وأكد مرتضى منصور، أن هناك بعض الزملاء من النواب بالرلمان ممولين، وأنا في البرلمان وبقول مينفعش مذيع يطلع يقول المصريين كلاب، وتقوم نائبة تعارضني علشان بطالب بمحاسبته".
وأضاف خلال مداخلة هاتفية ببرنامج «حصريًا مع ممتاز» المذاع عبر فضائية «العاصمة»، تقديم الإعلامي ممتاز القط: "النائبة دي فضلت تلف على كل الفضائيات وتتكلم عليا، لكن أنا مش متضايق؛ لأن أنا بتكلم وبدافع عن حقوق المصريين".
يشار إلى أن النائبة هالة أبو السعد تصدت لمحاولات المستشار مرتضى منصور، واعترضت على استخدامه مجلس النواب في خلافه مع الإعلامي عمرو أديب.
ووجه مرتضى منصور، عضو مجلس النواب، حديثه للدكتورة منى مينا، وكيل نقابة الأطباء، قائلًا: "إنتي عايزه إيه من مصر؟ إنتي بقالك أربع سنين بتخربي في مصر".
وأضاف: «إنتي في بلد مؤسسات، ومش إنتي اللي تقولي شيلوا وزير الصحة وهاتوا فلان وشيلوا التاني.. لأ يا منى، إنتي عايزة إيه يا حبيبتي؟ البلد مش هتقع».