بالفيديو.. متصلة ل«سناء منصور»: «بنتي بتبص على جسمي»

قالت متصلة ببرنامج «السفيرة عزيزة»، المذاع عبر فضائية «dmc»، تقديم الإعلامية سناء منصور: «بنتي عندها 8 سنين، وفجأة بقت عنيفة وبتتعامل مع أخوها الصغير بعنف جامد، وبتكلمني بطريقة مش كويسة».
وأضافت: «بالعافية مرة حكيتلي إنها كانت بتهرش في رقبتها، والمدرسة قالتلي إيه قلة الأدب اللي بتعمليها دي؟!.. وأنا قلقانة عليها، علشان بتبص لجسمي نظرة مش قادرة أفهمها.. وليها مصطلحات كل فترة عن الميول الجنسية، أنا قلقانة منها».
وتابعت: «كذا مرة تقولي في ولد يا ماما عايز يبوسني.. وبتقولي إن صاحبها باسها في مرة».