المغير يدعو لوقفة تضامنية مع حركة أحرار.. الخميس المقبل

دعا الناشط الإخوانى، أحمد المغير، إلى تنظيم وقفة تضامنية مع حركة أحرار يوم الخميس المقبل.
وقال فى تدوينة على صفحته بموقع "فيس بوك" اليوم الاثنين: "بعد الثورة اعتقدنا أن ممارسات زى التعذيب والإهانة والحط من الكرامة هتقف...لكنها موقفتش.. بعد الثورة افتكرنا إن العدل هيسود وإن المجرم لازم هيتعاقب ومبارك وأعوانه هيتحاسبوا على 30 سنة إجرام...لكن محصلش.. بعد الثورة افتكرنا إن هيكون فيه مساواة فمش ممكن واحد يتظلم أو يتهان لمجرد إنه ملتحى أو منقبة... لكن مكانتش".
وأضاف "فى الوقت اللى فيه أبطال حركة أحرار بيتعذبوا فى قسم المنصورة وبينكل بيهم وبتلفقلهم قضايا وبيتم إهانتهم بحلق شعورهم ولحاهم فى مهزلة محصلتش أيام الطاغية نفسه نلاقى المخلوع بيخرج بكل بساطة من السجن وهو صابغ شعره ومسشور ولابس هدوم بأكتر من 2 مليون جنيه !".
وأضاف المغير فى تدوينة على صفحته بموقع "فيس بوك": "أنا نازل يوم الخميس مش بس للتضامن مع حركة أحرار ولا بس دفاعا عن حق مواطن مصرى أُنتهك تانى فى قسم شرطة، أنا نازل لأن الثورة اللى طلعت من الشارع لازم ترجعله تانى، هتافات الملايين اللى أجبرت المخلوع على التنحى لازم ترج جدران مصر وميادين مصر، أنا نازل عشان بلدى، عشان كرامتى، عشان حريتى .. أمام جامعة القاهرة هنتجمع كلنا الخميس 18-4-2013 الساعة 4 عصرا أمام البوابة الرئيسية، مصر هتسمع صوتنا من تانى .. الحرية للأحرار..الحرية لمصر.." .