بالكوميكس.. موجة كوميدية على «تويتر».. النشطاء يدشنون هاشتاج «صنعت المجد ولا لسه».. خالد: «حضرتك المونة غالية اليومين دول».. وميدو: بعد ما حطيته في الفرن اتحرق ورميته

دشن مستخدمو موقع التواصل الاجتماعي "تويتر" هاشتاجًا جديدًا، يحمل اسم «#صنعت_المجد_ولا_لسه»؛ ليتشاركوا من خلاله التدوينات الكوميدية، وكذلك الكوميكس المضحكة، وتصدر الهاشتاج قائمة الموضوعات الأكثر تداولًا على موقع التواصل.
«عفريت المجد»
وقالت آلاء في تغريدة لها: «أنا عفريت لو صنعت المجد أتحرق»، فيما غردت ريهام قائلة: «مجد إيه دا أنا نفس الزنقة بتاعت السنة اللي فاتت في المذاكرة وقولت مش هكررها».
وقال ميدو: «أنا بعد ما جهزته حضرتك، وحطيته في الفرن، اتحرق ورميته.. حظوظ بقى»، وغردت سالي: «وشبكة العشرة دول حاولت مرة واتنين وتلاتة وأربعة، وبرضو مصنعتش لحد دلوقتي».
«المونة غالية»
وغرد محمد علاء: «النهاردة روحت الكلية عشان أصنع المجد، بس اتخنقت بعد أول سكشن، وروحت أكلت كبدة»، وقال خالد: «حضرتك المونة غالية اليومين دوول»، وعلق محمد علي: «أنت في أم الدنيا يعني هتعيش في أجازة كبيرة، وهتفوق وأنت بتطلع معاش».