سعد سمير: خسرنا بطولة وكسبنا حاجات كتير

نشر سعد سمير، لاعب النادي الأهلي والمنتخب الوطني، صورة للمنتخب، على صفحته الخاصة بموقع التواصل الاجتماعي "إنستجرام".
وعلق "سعد" على الصورة: "الحمد لله على كل شيء كان نفسنا ناخد بطولة مهمة وكبيرة زي دي لكن قدر الله وما شاء فعل، بس الواحد عمره ما هينسى البطولة دي ولا الروح الحلوة اللى كانت موجودة، واللمة اللى كانت ما بيننا، وقعدتنا كل يوم في الجنينة الصغيرة اللي كانت في الفندق ووقفت اللاعيبة جنب بعض في أي حاجة ومحدش كان فارق معاه أي حاجة إلا البطولة شكرا بجد ليكو والواحد تشرف أنه كان موجود في حدث مهم زي ده ومع المجموعة دي.. إحنا خسرنا بطولة بس كسبنا حاجات كتير أوي ومحدش عارف بكرة ربنا شايلنا إيه شكرا ليكم يا رجالة".
يذكر أن المنتخب الوطني حصل على الميدالية الفضية أمس عقب خسارته من منتخب الكاميرون في نهائي بطولة كأس الأمم الأفريقية.