سعد سمير بعد العودة من الجابون: "خسرنا بطولة بس كسبنا حاجات كتير أوي"

عبر الكابتن سعد سمير، عن أسفه وحزنه لخسارة المنتخب المصري الأول لكرة القدم، لبطولة كأس الأمم الإفريقية، بعد الخسارة أمام الفريق الكاميروني في النهائي، بهدفين مقابل هدف.
وكتب سعد، عبر حسابه الشخصي على "إنستجرام"، "الحمدلله على كل شيء، كان نفسنا ناخد بطولة مهمة وكبيرة زي دي، لكن قدر الله وما شاء فعل، بس الواحد عمره ما هينسي البطولة دي، ولا الروح الحلوة اللي كانت موجودة واللمة اللي كانت ما بينا، وقعدتنا كل يوم في الجنينة الصغيرة اللي كانت في الفندق، ووقفة اللاعيبة جنب بعض في أي حاجة".
وأضاف سعد، "محدش كان فارق معاه أي حاجة إلا البطولة، شكرا بجد ليكو والواحد تشرف إنه كان موجود في حدث مهم زي ده، ومع المجموعة دي، إحنا خسرنا بطولة بس كسبنا حاجات كتير أوي، ومحدش عارف بكرة ربنا شايلنا إيه، شكرا ليكم يا رجالة".
يذكر أن المنتخب المصري خسر أمام الكاميرون بهدفين مقابل هدف في المباراة النهائية لكأس الأمم الإفريقية، وضاعت فرصة التتويج باللقب الثامن في مسيرة الفراعنة.