بالفيديو.. "القرموطى": يا ريّسنا سيبك من "الإخوان" واركب قطار المصرية

وجه الإعلامى جابر القرموطى، رسالة إلى الدكتور محمد مرسى؛ رئيس الجمهورية، طالبه فيها بالنزول عن قطار جماعة الإخوان المسلمين، واللحاق بركوب قطار مصر.
وقال "القرموطى" خلال برنامجه "مانشيت" على قناة "أون تى فى" فى رسالته لمرسى: "من وقت الانتخابات الرئاسية واحنا دايخين ع العيش والأمن والحرية.. ومن وقت ما فزت بالرئاسة واحنا مشتاقين للعدل والديمقراطية.. ومن أول خطاب ليك واحنا مستنيين وعودك الانتخابية، وجت أحداث الاتحادية وقلنا فى بالنا دى حكاية مش اللى هيه، لأنك وقتها خاطبت الفئة الإخوانية، ونسيت كل الفئات العمرية، رديت علينا إنك ما تقصدش أبدًا وإنك أب لكل الأسرة المصرية، قلنا لبعض نديله فرصة تانية، وأخد الفرصة فعلًا وعقد العزم والنية، إنه بدل ما يكون إخوانى قصاد الاتحادية بقى إخوانى فى كل المناطق المصرية.. واتنقلت الفتنة من بورسعيد للمحلة للدقهلية.. المصيبة إنها وصلت لكلياتنا الأزهرية، ومقر شيخنا الجليل.. وكان المطاف الأخير النهاردة فتنة الكاتدرائية، يا ريسنا انزل من قطر الإخوانية واركب قطر المصرية، اركب قطر المصرية".