أبين زين

وأقول على المستخبى واللى مش معروف.. أضرب فى ودعى .. وتمللى بادعى.. والمستخبى باقوله ع المكشوف
سنتين ومروا على الثورة وفى مظاهرات.. وقضايا فى المحكمة وعليها احتجاجات.. وكلام كتير بين رجال الثورة واعتراضات.. والشعب واقف بيتفرج بنين وبنات.. ما تقول لى ياريس إنت فين من النزاعات.. ولحد إمتى حنفضل بين جراح وآهات.. الثورة بتقوم عشان الشعب له احتياجات.. مش ثورة علشان جماعة نفسهم فى حاجات.. وماصدقوا يوصلوا للسلطة فى انتخابات.. ونفسهم يفضلوا راكبين كدا فى سكات.. لأ لأ ياريس بقى.. الناس ما هش أموات.. وإحنا انتخبناك عشان تفصل بين السلطات.. ونفسنا مرة واحدة نسمع الهتافات.. تقول بأنك سعيد بالمعترض بالذات.. وتشوف مطالبه وتتفاهم معاه بالذات.. يا اخوانا حاسبوا علينا وبطلوا معارضات.. فى كل حاجة ماهش عجباكو فى الحوارات.. علشان كدا نفسى أقول.. انسوا اللى عدى وفات.. وفكروا فى اللى جاى.. يا خلق منحدرات.. آخركلامى لكم ماعدش فيها سُكات.. والشعب واعى لكل اللعبة يا حضرات.. سنتين ومروا ولسه الثورة فى الشارع.. حتقولوا إيه للتاريخ طول ما إحنا فى انحدارات.