كتير بتخاف على اللقمة ل"ماندو صابر"

فى قصيدته الجديدة "كتير بتخاف على اللقمة"، يقول "ماندو صابر":
كتير بتخاف
على اللقمة
على السبوبة والهدمة
على العجلة والاستقرار
وطاعة صاحب النعمة
تملي تخاف
.................
كتير بتخاف
من قبل ما يجيلك نفير إنك تخاف
تصير مجداف
ف مركب فيها 100 مجداف
..............
قبلت تتصنف دراع
يتطاول على الأشراف
وقبلت تتصنف صباع
بيشاور بلا أنصاف
باسم نطاعة الانطاع
ندوق الكفر واحنا نضاف
..............
وبتركّب سجين النون
على الكاين في حرف الكاف
بتتشدق بحكمة مين
بتستشهد بكلمة مين
دا حتى الشاهد "العيان"
لا راح ولا شاف
............
وبرغم من إنك عويل
وبرغم من إن الكلام في الحق
على قلبك تقيل
وبرغم من كل الخلاف
حاول تفكر مرة واحدة في الهتاف
مش لقمة حاف
ولا خوف على الجايين عجاف
المعنى واضح
" انت قابل إنهم يبقوا القدم
وأنت الكتاف.