سادت حالة من الإعجاب على صفحات مواقع التواصل الاجتماعي "فيس بوك وتويتر" بعد تداول صور زفاف الفنانة إيمي سمير غانم وحسن الرداد، ما دفع الفتيات للتساؤل عن الدعوة التي كانت تدعوها الفنانة دلال عبد العزيز لابنتيها دنيا وإيمي في تزويجهما، مطالبين الفنانة دلال أن تدعو لمصر حتى يتم إصلاح أحوالها، فيما اعتبر البعض أن ذلك نوع من الحسد. الدعاء لمصر وقال محمد ممدوح: "يارب الفنانة دلال عبد العزيز تدعي لمصر زي ما بتدعي لبنتها". وأضافت نهى شمس: "ادعي لمصر يا دلال يا عبدالعزيز زي ما بتدعي لبناتك". وعلقت ياسمين: "يلا كلنا نكمل كلام على إيمي وحسن الرداد قد إيه هما حلوين وإنك لما بتداري على حبك بيكمل ونسأل دلال عبد العزيز هي عملت إيه عشان بناتها يتجوزوا اتنين حلوين كده". وردت رحمة محمود: "إحنا محتاجين دلال عبدالعزيز تدعى لمصر كلها والله". وتابعت ملك ملوكة: "محتاجة أخلي ماما تتعرف على دلال عبد العزيز عشان تعرف إيه الدعوة اللي كانت بتدعيها لبناتها عشان تجيب عريس شبه اجواز بناتها كده". القمرات وقالت إيفرينا جرجس: "أنا بقول نخلي طنط دلال عبد العزيز تدعي لمصر زي ما دعت لبناتها يمكن حال مصر يتصلح..". ورد وسام بدران: "ادعي لمصر يا دلال يا بنت عم عبد العزيز... زي ما بتدعي لبناتك كده بالضبط". وعلقت سلمى سرحان: "ماذا بينك يا دلال عبدالعزيز وبين الله عشان بناتك يتجوزوا القمرات دول؟". وردت ندا يحيى: "حسن الرداد وجوز دنيا اللي مش فاكرة اسمه هما اللي لقطة ولا البنتين القمرات اللي دمهم خفيف وعندهم career أكبر... وولاد دلال عبد العزيز وسمير غانم؟ نعقل الكلام شوية". وتابعت دنيا أسامة: "دلال عبد العزيز دعتلهم في ساعة مغربية أو ساعة صيام وهى بتصلي الفجر.. بس المهم أن أبواب السما كانت مفتوحة قوي يعني". أم العروسة وقالت سمر بشير: "شايفين أم العروسة دلال عبد العزيز بترقص وفرحانة إزاي ماشاء الله مش زي ناس لما تبقى أم العروسة تقولك أنا عندي صداع محدش يكلمني ولا يجي جنبي افرحي يا حاجة مش هياخدوا منك جمارك والله..". وأضافت رنا حاتم: "أمي ممكن تشوفي دلال عبد العزيز دعت لبناتها إزاى وتدعيلى زيها.. لو مفيهاش إساءة أدب يعنى". وعلقت فاتن توتي: "نفسى في دعوة من اللى دلال عبدالعزيز بتدعيها لبناتها أصل أنا دايما حظى في أم صابر.. كفاية أم صابر بقى وأهلا بدلال". وردت آية حسني: "إيه يا دلال عبدالعزيز يا حُبي.. ما تدعيلنا كده زي ما بتدعي لبناتك". وتابعت صفاء صالح: "هو لسه بدري على بناتي طبعًا بس عاوزه أتعرف على دلال عبدالعزيز تعلمني الدعوة اللي كانت بتدعيها لبناتها علشان يجوزوا الأشكال دي أهو نكسب وقت لأن على أيامهم أكيد الموضوع أصعب ربنا يسعد أيامكم". وقالت هند قاسم: "ما هو لو دلال عبدالعزيز كانت بتدعي لمصر زي ما بتدعي لبناتها، ماكنش ده بقى حالنا". وأضاف ياسر أحمد: "صدقوني لسه فيه أمل في البلد دى خاصة بعد ما شفت دلال عبدالعزيز في فرح بنتها إيمى.. لسه الدنيا بخير يا دلال".
