بالفيديو.. 5 مشاهد لمحمود عبد العزيز لخصت حال مصر.. «الساحر» في «باب الخلق»: «البلد عايزة قنبلة وعمرنا ما ضربنا بعض علشان عقيدة» و«عصر الشهادات انتهى» نصيحته في «الكيف»

لم يكن ذلك القلق والتلهف لمعرفة آخر أخبار النجم محمود عبد العزيز الذي أصيب بوعكة صحية من أجل نجوميته ومشواره الفني الكبير وإبداعه فقط؛ ولكن لأسباب أخرى منها إنه أكثر من عبر عن حياة المصريين واستطاع بإيجاز وبلاغة وصف مصر في الكثير من أفلامه التي شكلت جزءًا من تاريخ السينما المصرية.
ووفق المنشور فإن «الساحر» كما يطلق عليه مصاب بالأنيميا، وانخفاض نسبة الهيموجلوبين في الدم، مما تسبب في إضعاف جهاز المناعة.
وبالتزامن مع ذلك تنشر «فيتو» 5 مشاهد للنجم محمود عبدالعزيز لخصت حالة المصريين:
اللي مايخافش من ربنا خاف منه
في مسلسل «جبل الحلال» الذي قام ببطولته محمود عبدالعزيز في 2014، وصف الجماعات الإرهابية وعناصرها من خلال شخصية «هيبة» التي جسدها في المسلسل بقوله: «الناس دي مابتخافش من ربنا، واللي ما يخافش من ربنا خاف منه».
البلد دي عايزة قنبلة
في عام 2012 وخلال مسلسل «باب الخلق» الذي قام ببطولته محمود عبد العزيز، استطاع أن يلخص أحوال مصر في الأعوام الأخيرة،
وفي إحدى المشاهد يقول «أبو عبدالله المصري» وهو الشخصية التي جسدها محمود عبدالعزيز: «الحكومة ارتكبت جريمة في حق الشعب.. الجريمة الكاملة هي الجنان اللي عايشينه كل يوم لغاية ما بقى عادي.. اللي عايز يشتغل في الحكومة بيدفع ألافات عشان يشتغل وأما يطلع يقبض ملاليم فبيسرق ويرتشي، والمريض اللي بيدخل مستشفى علشان يتعالج، بيطلع بأمراض زيادة، وشاب اتعلم في الكلية أربع سنين وعنده طموحات عايز يشتغل ويجوز، ولما يطلع يشتغل صبي عالمة.. بفتكر دلوقتي المتنبي لما قال وكم ذا بمصر مضحكات ولكنه ضحك كالبكاء، البلد دي محتاجة قنبلة تساويها بالأرض علشان تتبني على نضافة».
عمرنا ما ضربنا بعض علشان عقيدة
وفي نفس المسلسل مشهد آخر يعلق فيه محمود عبدالعزيز من خلال شخصية أبو عبدالله المصري على حوادث الفتنة الطائفية، بعد أن يصل حارته فيرى صراعًا بالأسلحة.
وفي المشهد يقف «أبو عبدالله المصري» صارخًا في الجميع: «اللي بيحصل دا حرام كفاية.. أنتوا مصريين أنتم.. هي دي حضارة 7000 سنة، عمرنا ماضربنا في بعض علشان عقيدة أو دين، فوقوا بقى.. حد يقدر يقولي دم مين دا؟.. مسلم ولا مسيحي.. ليه بقينا بنكره بعض كدا.. ليه بنزل في بعض.. ليه واقفين لبعض على الوحدة.. لا جوع ولا عدو ولا جن ممكن يدمر البلد.. لكن اللي بيحصل دا هو اللي يدمرها».
حواة المجتمع
قدّم الساحر من خلال فيلم «البحر بيضحك ليه» عام 1994 شخصية «حسين» الذي يهرب من ضغوط حياته الزوجية، وروتين العمل إلى الشارع، ليتعرف على مجموعة من المشردين، ويمارس ألعاب الخفة مقابل بعض الجنيهات من المارة.
وأوقفته مذيعة أثناء تأدية بعض الألعاب في الشارع، لتسأله عن سبب امتهانه لتلك الوظيفة، فيرد: «شوفي يا هانم مش صحيح إن مهنة الحواة بتنقرض.. أنا شايف إنها بتزيد، وبتزيد أوي.. في حواة كتير أوي متنكرين في البلد.. في حواة عاملين محامين وبيلعبوا بالقانون.. وفي حواة عاملين سياسين وبيلعبوا بالأفكار والمبادئ.. وفي حواة عاملين كتاب وصحفيين وبيلعبوا بالكلام.. وفي حواة عاملين رجال أعمال وبيلعبوا بلقمة العيش.. وفي حواة عاملين اقتصاديين بيلعبوا بالأرقام.. أما أنا فمقدرش ألعب لا بالقانون ولا بالأفكار ولا المبادئ، عشان كدا بقيت حاوي على أد حالي.. بلعب بكورتين حديد بس عشان أبسط الناس بدل ما أذيهم!».
عصر الشهادات مابقاش يأكل عيش
وفي فيلمه الشهير «الكيف»، وعلى لسان شخصية جمال أبو العزم، التي أداها محمود عبد العزيز جسّد مرحلة الانفتاح الاقتصادي، فقال: «أكل العيش مافيهوش عيب.. الخيبة اللي بتكسب دلوقتي.. عصر الشهادات والوظايف انتهى مابقاش يأكل عيش، إحنا في عصر تفتيح المخ».