بختك اليوم "الإثنين" من هريدى نيوز

بمناسبة ذكرى العندليب النهاردة "البخت" على أغانيه .. وياللى بختك مايل اتفرج على فيلم الخطايا واحمد ربنا إن عماد حمدى مش أبوك .. ويتكون محظوظ يتكون منحوس مع بختك اليوم من هريدى نيوز .. (على طريقة العندليب)
_ برج الحمل
مشغول وحياتك مشغول ولأخر الأسبوع مشغول .. أنا بكرة مواعد قلبى هاقوله حكاية حبى وهاقوله على اللى أنا فيه
صحيا : شوف فيلم بنات اليوم .. وركز أوى فى اليوم دى مش بكرة
_ برج الثور
وأنا كل ما أقول التوبة يا ابوى ترمينى المقادير يا عين
صحيا : ما تفكرش كتير " شارع الحب " فى انتظارك
_ برج الجوزاء
قولى حاجة ..أى حاجة .. قول بحبك .. قول كرهتك .. قول وما يهمكش حاجة ..قولى عايزك .. قولى بعتك .. بس قولى أى حاجة ..
صحيا : هتلعب دور فى حياة " معبودة الجماهير "
_ برج السرطان
توبة إن كنت أحبك تانى توبة بس قابلنى مرة وتبقى دى اخر نوبة .. وبعدها توبة
صحيا : "الوسادة الخالية " لازم تفضى من الاكل عشان تقدر تخس
_ برج الأسد
على اد الشوق اللى فى عيونى يا جميل سلم ..انا ياما عيونى عليك سالونى وياما باتألم .. وباخاف لا تصدق يوم واحتار.. باوصف للناس الجنة وانا فى النار
صحيا : اكتر من كدة ويزيح ربنا
_ برج العذراء
ستفتش عنها يا ولدى فى كل مكان .. وستسأل عنها موج البحر وتسأل فيرزو الشطئان ..وتجوب بحارا وبحارا وتفيض دموعك انهارا
صحيا : انت على حافة " الهبل " ممكن تتفرج على " فتى احلامى " هيجيب نتيجة
_ برج الميزان
بأمر الحب افتح للهوا وسلم .. بلاش نهرب .. بلاش نتعب .. تعالى نحب وتسلم بأمر الحب .. وادفع اللى عليك
صحيا : هتشوف " ايامنا الحلوة " خليك مستعد وحط "برفيون "
_ برج العقرب
قال ايه جاى الزمن يدواينا .. من ايه جاى يا زمن تدواينا .. ما احنا حبينا وارتحنا ونسينا الجرح بتاع زمان
صحيا : عشان تقدر تعيش " يوم من عمرى " لازم تأكل حاجات خفيفة
_ برج القوس
مشيت ..مشيت على الأشواك تروح لأحبابك لا عرفوا ايه وداك ولا عرفوا ايه جابك .. رميت نفسك فى حضن سقاك الحضن حزن ..حظك كدة يا ضنايا استحمل
صحيا : كل أفلام العندليب هتفشل معاك اتفرج على " البنات والصيف " يمكن يخفف عنك الحر
_ برج الجدى
نار يا حبيبى نار .. حبك نار مش عايز أطفيها ولا أخليها دقيقة تفوتنى ما احسش بيها ..نار صحتنى نار خلتنى أحب الدنيا وأعيش ليايالها
صحيا : ما فيش حلاوة من غير " نار " وما فيش حب من غير " ايام وليالى "
_ برج الدلو
وخدتنى يا حبيبى وخدتنى ورحت طاير طاير.. وفوتنى يا حبيبى وقلبى حاير حاير .. عمرك ما هترسيلك على بر
صحيا : عندك "موعد غرام " خليك اده وبلاش تعمل سوبر " دلو "
_ برج الحوت
عدينا يا شوق عدينا .. على بر الهوا رسينا .. ده العمر معاك وهوايا هواك. ذوق يا نسيم خطاوينا ..ويا نجوم السما ضمينا وخدينا بعيد وحدينا
صحيا : البس شراب وبدلة غطس عشان بحر الشوق غويط وما تاخدش برد