بختك اليوم "الجمعة" مع هريدى نيوز

يا تكون محظوظ يا تكون منحوس.. حظك عندنا فى هريدى نيوز.. ولو بختك طلع مايل.. أوعى تضرب بوز..
الحمل
ما قرتش على ظهر كراسة المدرسة "من جد وجد ومن زرع حصد" قدم السبت بقى عشان تلاقى الأحد قدامك
صحيا: الريجيم مش هيجيب نتيجة طول ما انت بتاكل مكرونة وبيتزا وبتحلى بصينية بسبوسة أمال الغلابة هيفضلهم إيه ياكلوه !!
الثور
بكرة يشوف ناكر خيرك زمنك من زمن غيرك.. اقعد واتمنظر واتجعص واتقنعر اليوم يومك يا "ثور"
صحيا : شوية ثلج ممكن تخفف عنك سخونة المواقف "خليك كول"
الجوزاء
تصرفات الآخرين مقصودة بيحاولوا يجرجروك تكون عشوائى زيهم.. ما يعرفوش أنك أبو راسين وبدل الحل ممكن يكون عندك عشرين
صحيا: وقت القيلولة هيخليك أفضل خاصة بعد شوب عرقسوس
السرطان
مش كل اللى بيدور عليك بيحبك وميت فيك يمكن ضايع "شرابه " وشاكك فيك.. حبيبك مش راضى عنك بس غندك فرصة لسة
صحيا: الفلس بيجيب أوجاع فى الجيوب ونزيف فى الفواتير تغلب عليهم بأنك تعمل من "رواندا تشيك"
الأسد
مفاجآت هتخليك مرتبك.. البس الخوذة وخد معاك إزازة بيبسى وازازة خل وكمامتين "شنطة إسعافات ضد النهضة "
صحيا : النهضة امامك والشمس خلفك وهتتنفخ النهاردة يعنى هتتنفخ "لامؤاخذة يا أسد "
العذراء
البرج الذى ترى الوصول اليه غير متاح اليوم .. برجاء المحاولة فى وقت لاحق "يوم مؤقت فى حياتك"
صحيا: وضع "السيلنت" اللى انت عايشه لو زاد عن حده ممكن تقلب "فيبريشين" أوتوماتيك
الميزان
مش كل اللى بيجروا جوة التراك لابسين شورت وفانلة وكاب فيه منهم لابس وش ملاك وهو شيطان.. االرومانسية هتعوض أحلامك فى الشغل
صحيا: البرج البرانى فى برجك الميزانى هيخليك تحس بشوية تعب.. يوم ويعدى
العقرب
الدنيا فيها مقامات زى المزيكا خليك دايما نهاوند وبلاش تلعب ع السيكا.. دو رى مى فاصوليا
صحيا: لو ناوى تكمل حياتك صح بطل تفكر فى كل قرش بتصرفه واستمتع بوقتك
القوس
البس اللى ع الحبل وخليك جاهز ليوم فيه مقابلات مهمة او تراضى مع الحبيب
صحيا: صحتك "بمب" او "صاروخ" او "شمروخ" بس ما تبقاش "باراشوت"
الجدى
حاسس بمصيبة جايالى با لطبف يا لطيف.. خليك جاهز وحضر "الطاسة " للدفاع عن نفسك وقت اللزوم، بتحب أوى وحبيبك مزودها (ادفع 50 قرش وانا اقولك الحل )
صحيا: انتشار مرض "البرى برى " ومتلازمة الهبل الانفعالى "يخليك تفكر ما تاكلش قرنبيط"
الدلو
عد من 1 الى 20 قبل ما تقول كلام يزعل، حيث إن البنى آدم "الطروبش" لا يتعامل إلا بضرب الدبش
الحوت الباب اللى يجيلك منه الريح سده واستريح وهيتفتحلك باب جديد.. وضح وجهة نظرك لحبيبك
صحيا : البلاى ستيشن مش رياضة ومش هتخس لو لعبتها 10 سنين