اعرف حظك اليوم «الجمعة» من وكالة هريدى نيوز!

يتكون محظوظ يتكون منحوس مع حظك فى هريدى نيوز
_برج الحمل
حاول تتكلم عشان توصل لنتيجة.. المأمأة ليها ناسها خليهم يتكلموا مش هيوصلوا لحاجة
صحيا: ما تخليش حد يجرجرك للعصبية.. هتخسر كتير
_برج الثور
فيه كوكب داخل فى الشمس وقمر داخل فى الأسد يعنى من الآخر الأمور معقدة.. ما تخبطش فى الحلل
صحيا: ممكن تغنى فى الحمام لو ده هيريح أعصابك. بس ما تكتمش فى قلبك.
_برج الجوزاء
فى حاجة غير متوقعة فى الشغل ممكن للأفضل وممكن للأسوأ.. اثبت مكانك واثبتلهم جوزائيتك
صحيا: أخيرا هترتاح من الإزعاجات الماضية.. زقطط
_برج السرطان
الحب ضعيف الأيام دى.. شوفلك شمعتين ولعهم يمكن الحب يشعلل شوية.. ما تنفضش للعيلة
صحيا: ضحك ولعب وجد وحب وهدة وتعب واعدة فى البيت..
_برج الأسد
لما تسافر اتعلم حاجات جديدة يمكن تنفعك وما تبقاش 7 صنايع والبخت ضايع، وخلى بالك ممكن تقابل قصة حب.. البس اللى ع الحبل واستعد.
صحيا: زى البمب.. ركز فى أنواع الأكل بس.
_برج العذراء
اللى بيتدخل فى حاجة ما تخصهوش بيسمع اللى ما يرضيهوش.. حاول تلطف الجو واعزم حبيبك على ليمونادة يمكن تجيب فايدة.
صحيا: ممكن تأنتخ بما أن النهاردة إجازة.. مش أوى عشان ما تخللش.
_برج الميزان
عندك عرض شغل مغرى ما تترددش عشان حاجات تافهة.. وفيه مفاجآت رومانسية فى الطريق
صحيا: أوجاع الظهر سببها نفسى.. اهدا والوجع يروح ووفر "ثمن" الكشف فى عصر النهضة.
_برج العقرب
زى ما ابتدى وقت للأفلام فى السهرة أدى وقت لتخطيط مستقبلك. بدل ما حياتك تتحول لمسرحية حزينة
صحيا: جهاز المناعة بدأ يضعف.. اضرب فيتامينات.
_برج القوس
هينتقدوك ويقطعوا فى فروتك.. اضحك عليهم واقلع الفروة قبلهم..
صحيا: لو حسيت بأى وجع لازم تروح للدكتور.. ممكن دى تكون نهاية جزء فى جسمك "اللوز".
_برج الجدى
هتعيش يوم رائع من أيام العائلة.. هات شوية لب وسودانى وما تبقاش بخيل.
صحيا: الصداع حله تستخدم مخط فى التفكير بدل الخبط فى الحيط.
_برج الدلو
ممكن أى حد ياخدك وأهلك مستعدون يبدلوك بمروحة من كتر المشاكل.. ارحمهم شوية.
صحيا: أكل وشرب ولعب وتليفزيون وتفكير فى المشاكل مرة واحدة ممكن يؤدى إلى كارثة.
_برج الحوت
مشاكل عائلية تغلب عليها بالتنفيض.. اقفل على نفسك أوضة و"حب فى التليفون" ده نتيجته أفضل.
صحيا: محشى الكرنب نتايجه سيئة عليك وعلى اللى حواليك.. جرب ورق العنب.