الكعك والبسكويت في كل بيت بيقول.. أنا هنا للجميع موجود لكم على طول.. وعيد سعيد ربنا يستر على المسئول.. واللي في شهر الصيام وفر لنا المأمول.. سمنة وسكر ولحمة وزيت وطبق الفول.. وكل تصريف في وسط الزحمة له مدلول.. بأن فيه في البلد أموال كتير وأصول.. وأرصدة في البنوك لكل تاجر غول.. يبقى مافيش داعي نقعد كل حبة نقول.. الناس ماهش لاقيه تاكل والجميع مشلول.. والمسألة باختصار فوضى وقرار مغلول.. ضد اللي قاعد يردد في كلام مخبول.. بيصور الناس في غابة والطريق مقفول.. ويدعي للانقلاب والرفض كالمهبول.. أنا عايز أقول إن فيه أعداء نظام وفلول.. صحيح صحيح فيه تقشف بس فيه محمول.. مع الغني والفقير والشحاتين في المول.. بيشتروا كل حاجة بدون كلام معسول.. والدنيا فيها العجب بلاش ياحلو تقول.. الكعك والبسكويت فيه البذخ مبذول.. العيد مناسبة وفيه الكل بيحاول.. ينسي مشكلات وعايش وسطها على طول.