نفسى

أنا مش فل من الفلول
ولا دلوع وأبويا مسئول
أنا فايق مش مسطول
وعندى لأزمة بلدى حلول
زهقت خلاص من طعم الفول
بالطعمية وعيش مبلول
يا ما زهقنا كلام معسول
من رجالة بضمير مشلول
قالوا على الأزمة لدينا حلول
وكلام فاضى ومشمعقول
صاحب الراس مننا مغلول
وعن حياتنا بقى معزول
اتغير حاله وباله مشغول
وبرضه بروطا ولسه كسول
لجل ما يبقى للأزمة حلول
خد من بوقى صدق القول
نفسى أشوفه مجرور فى خيول
ولا يبقى فى بلدى أى ديول
عايز تزعل منى يا غول
ملاكشى حق دانا ابن أصول
جالك ياما منا رسول
بس أنت مشيت ورا واد مهبول
فاكر شهدانا فى الأسطول
ألف غريق ومصير مجهول
حاشية فاشلة وناقصة عقول
سجل يا تاريخ وغنى وقول
نفسى أشوفه كمان محمول
ومالوش عند المولى قبول
الشاعر محمد قطب
كفر الشيخ