المصريون يرفضون الخروج في العيد.. سعيد: «محلقتش شعري».. رشاد: «مفيش فلوس».. بوشبوش: «مش عاوز أشوف الاشكال اللي هتقلد الأسطورة».. هايدي: «أخويا شهيد».. أميرة: «بطلت أحس بالفرحه»

دشن نشطاء مواقع التواصل الاجتماعي "فيس بوك وتويتر" هاشتاج "مش هخرج في العيد عشان"، وحقق مركزًا متقدمًا في تراند مصر على تويتر، وكشف الهاشتاج عن رفض المصريين الخروج من منازلهم في العيد، وتعددت الأسباب التي تدفعهم التزام منازلهم، منها الزحام والتحرش، أو قلة الإمكانيات المادية، أو بسبب الحالة النفسية السيئة التي خلفها فقدان أعزاء بالوفاة الطبيعية أو الشهادة، ووصولًا للزحام عند الحلاق.
الحلاق
قال سعيد بن مجاهد "علشان أنا المصري الوحيد إللي محلقش شعره"، وأضاف محمد نواس "مش هخرج في العيد عشان لسا بستنى دوري عند الحلاق"، وعلق رشاد "مش هخرج في العيد عشان مفيش فلوس ياحلاوة"، ورد صبري عامر "أما كله بيقول.. مش هخرج في العيد عشان أمال مين الناس اللي بنشوفها في الشارع"، وتابع محمد صبحي "هخرج مع مين ولا أروح فين ما أنام أحسن".
تقليد «رفاعي الدسوقي»
وقال بوشبوش "مش هخرج في العيد عشان مش عاوز أشوف الأشكال اللي هتقلد رفاعي الدسوقي"، وأضافت هايدي أبو زيد "أخويا شهيد"، وعلقت أميرة بهاء "مش هخرج في العيد عشان بطلت أحس بالفرحه بتاعت زمان لما العيد يجي"، ورد مصطفى خالد "مش هخرج في العيد عشان.. كل إللي بيقولوا مش خارجين دول بيكدبوا يابني إحنا مصريين لو مخرجناش نتحرق"، وتابعت هند فراولة "علشان الدنيا بتكون زحمة ومعاااييش فلووس.. مش هخرج في العيد عشان".
الزحمة
وقال ولاء الدين أحمد "مش هخرج في العيد عشان الروح الشريرة الماكثة في الشوارع، وتحركات أشباه البشر بطريقة عشوائية"، وأضاف توكل "مش هخرج في العيد عشان الزحمة"، وعلقت رانيا رايقانا "ياريت بس تسيبونا نصلي العيد ع خير دة إنتوا م بعد الصلاة بتبدأوا المعاكسات وتفرقعوا الصواريخ تحت رجل البنات وهي ماشية"، وردت لمياء لوما "مش هخرج في العيد عشان أقعد في البيت واخد عيدية خطة في منتهى الاستغلال"، وتابع محمد الشربيني "اللى كنت بيستناه ف العيد مات.. الله يرحمك ياخال".
التحرش
وقال محمد عصام "مش هخرج في العيد عشان الزحمة والصداع"، وأضافت ميرهان "مش هخرج في العيد عشان التحرش"، وعلق سنسن "عيد إيه يا باشا أنا الحاجه الوحيدة اللي بتحسسني بالعيد محال الكشري اللي بتفتح"، وردت ياسمين أنور "عشان قلة أدب الصبيان اللي بتنزل مخصوص عشان تعاكس.. مش هنزل عشان معدش فيه فرحة للعيد زي أيام زمان.. مش هخرج في العيد عشان"
وتابع أحمد وجيه "مش هخرج في العيد عشان عندي امتحان أنف وأذن خامس يوم"، وقال محمد عبد المنعم "مش هخرج في العيد عشان.. عشان العيد بيختصر ف خمس خطوات.. 1-حلقنا 2-استحمينا 3-صلينا 4-نقعد خمسه مع أهلينا 6-نكمل العيد لوحدينا".