معاناة الطفل «أسامة» تشعل فيس بوك

تداول نشطاء مواقع التواصل الاجتماعي "فيس بوك وتويتر" صورا للطفل أسامة عطية، ذو ال5 سنوات، والذي يعاني من فتاق في السرة وفتاق أربي، لا يستطيع معهما النوم من شدة الألم، ووالد الطفل عامل فقير عرضه على كثير من المستشفيات في القاهرة والإسكندرية، لكن دون جدوي.
نشطاء التواصل الاجتماعي يؤكدون أن الطفل أسامة بحاجة لعملية زرع نخاع، مخاطبين إنسانية الأطباء لمساعدة الطفل ليشفي من آلامه.
وكتب محمد فضالي تدوينة على فيس بوك "اسف جدَا لبشاعة الصور ده أسامة عطية " 5 سنين " من جناكليس التابعة لمركز أبو المطامير بمحافظة البحيرة ' أسامة مش قادر ينام والا بيدوق طعمه ' والدة عامل باليوميه ومع ذالك لم يقصر معه ذهب بيه إلى جميع المستشفيات في القاهرة والإسكندرية، ولكن علشان غلبان ومعندوش وسطة كان لازم يقولوله عدى علينا بكرة ياسيد" .
وقال فضالي: "أسامة وأسرته مش محتاجين فلوس أو تبرعات أسامة محتاج ضمير محتاج طبيب عندة رحمة عنده إنسانية يعمله جراحة فتاق في السرة وفتاق أربى، كما أنه يعانى من مشكلات في التمثيل الغذائي ويحتاج إلى عملية زرع نخاع عظمى ' أسامة تعبان جدًا أنا عاوزك تتخيل للحظة " ابنك وهو بالحالة دى " من حق الطفل ده علينا " نرسم الضحكة على وشه" .
وعلق الإذاعي أحمد يونس "ده طفل عجز من المرض يارب لا حول لنا ولا قوة إلا بك" .
وقالت منة البهنسي "في دكتور اسمه ماجد إسماعيل في ميدان الجيزة عمارة النصر ممتاز وعنده ضمير ورحمة بجد ربنا يباركله يسافر يروحله بسرعة" .
وأضافت ميرو رضوان "لا حول ولا قوة إلا بالله للدرجادى الضمير مات عشان طفل زى ده ميلاقيش واحد عنده ضمير يعالجه.. ربنا يشفيك يابنى ويعافيك لك الله" .
وتابعت سالي طارق "لا حول ولا قوة إلا بالله بجد حرام على الدكاترة دي وربنا هيحاسبهم على الطفل دة وبجد الرئيس مش مهتم بأي حالة من دول فرحانين بالإعلانات اللي جايبنها والملايين اللي بتتصرف على حاجات تافهة مما تتخيل وسايبين حالات زي دي ويجيبو إعلان اتبرع بجنيه عشان تنقذ قلب طفل بجد حسبنا الله ونعم الوكيل فيهم" .
وعلق حازم مجدي "أظن من العدل بدل ما يعملوا للحاجة زينب إعلان بملايين عشان اتبرعت بحلق يبقي لازم يتولوا علاج الطفل ده ولو مش تولوه يبقي على مصر السلامة" .