طبيب نفسي: «الزواج بقى عيشة من غير حب»

قال استشاري الطب النفسي الدكتور نبيل القط، إن "حالات الحب فيها ما انتهى والراجل بيكمل مع الست علشان الأسرة أو العكس بالنسبة للست، أوالاتنين بطلوا يحبوا بعض بس بيكملوا علشان العيال، ويوجد نسبة كبيرة من الرجال يتمسكون ببيتهم علشان أولادهم، لكن فرص الراجل في الحركة أكتر من الست وممكن أن يتزوج في السر أو عرفي، عكس الست، وحالة انتهاء الحب موجود داخل البيوت المصرية بيكمل الطرفين حياتهم بلا مشاعر رومانسية".
وأضاف «القط» خلال حواره مع الفنانة مني عبد الغني مقدمة ببرنامج «الستات ما يعرفوش يكدبوا»، المذاع على فضائية «cbc»، «من أسباب انتهاء أو توقف طرف عن حب الأخر، الزواج التقليدي فمعرفوش يحبوا بعض أو أحد الطرفين عنده مشكلة في المشاعر أو في التعبير عنها أو في الحب بشكل عام، فبالتالي مش عارف يمارس ده، أو أن الست مش فاهمة شكل العلاقة مع زوجها وأنها علاقة أخوية أو صداقة وبعيدة عن الرومانسية والحب، وهذه تنوعات بتحصل في العلاقة بالمجتمع المصري الحديث تقع تحت مسمي اتنين عايشين مع بعض من غير حب".