النشطاء يطلقون هاشتاج «الحريقة الجاية هتبقى فين».. زاهد: عايز الزهر يلعب معاك اشتري عربية مطافي.. أُمامة: مصر تدخل مشروع سياحة الحريق.. مصطفى: الشعب هيدمن يشم دخان.. وائل: اسألوا الإخوان هما عارفين

دشن نشطاء مواقع التواصل الاجتماعي "فيس بوك وتويتر" الهاشتاج الساخر "الحريقة الجاية فين"، الذي جذب عددا كبيرا من نشطاء تويتر، متصدرًا تراند مصر على تويتر، حيث خصص النشطاء الهاشتاج للسخرية من تزايد عدد الحرائق التي تقع في مصر، البعض حدد أماكن منتظر أن تحدث فيها الحرائق، فيما قام آخرون بتحليل سبب تلك الحرائق.
مصر بخير
قال نور الدين: "أنا على ما افكر الحريقة الجاية فين هتكون مصر ولعت.. الحريقة الجاية هتبقي فين".
وأضاف محمد العوضي: "الحريقة الجاية هتبقي فين.. دا جن عشيرته طرداه وعمال يحرق في البلد عوزين واحد سفلى يثبته".
وعلق محمد سمير: "الحريقة الجاية هتبقي فين.. يابن الكئيبة قول يارب نعيش في أمان زي ماحنا متعودين ومصر تفضل بخير وسلام وننام بهدوء.. يابن الكئيبة".
وتابع زاهد: "عايز الزهر يلعب معاك تشتري عربية مطافي ليك والشغل عليها كتير اليومين دول.. الحريقة الجاية هتبقي فين".
ورد محمود الرايق: "مصانع حلوان علشان بتوع حلوان يبطلوا مسيرات أو بولاق".
في السجون
وقال عمر على بابا: "الحريقة الجاية هتبقي في السجون وأهو نخلص من المعقتلين بلا محاكمات".
وأضاف وائل فوزي: "الحريقة الجاية هتبقي فين.. اسألوا الإخوان هما عارفين.. وهشتاج يانحكمكم يانقتلكم موجود ويشهد".
وعلق أحمد خلف أحمد: "في الستات اللي تروح تخطب بنتها.. تبقي ناقص تمضيك على كمبيالة.. امضي يا اشول..الحريقة الجاية هتبقي فين".
وتابع أُمامة أنا: "مصر تدخل مشروع سياحة الحريق في برنامجها لتطوير السياحة".
ورد ديجي تاون هوك: "الحريقة هتبقى عندنا إحنا.. أنا قولتلكم أهو مش محتاجة عزومة.. كل واحد يعمل حسابه.. جردلك معاك تطفى بيه وموبايل للتصوير".
المدن الساحلية
وقالت هبة إبراهيم: "الراجل اللي بيحرق فى البلد حضرتك عارف عنوان الكلية بتاعتي ولا لأ".
وأضاف محمد عبد العال: "ياترى الحريقة الجاية فين ؟ فاضل مدن القناة والمدن الساحلية.. ولا تفتكروا هنغامر وننزل للصعيد".
وتابع فالكون تيجر مان: "الحريقة الجاية هتبقي فين.. في بيوت الإخوان والشامتين في الخراب وتجار الدين".
وعلق مندي سعد: "أكيد في المناطق الصناعية زى العاشر و6 أكتوبر عشان داخلين على شهر 6 وتقفيل السنة المالية".
ورد مصطفى حسين: "الشعب هيتعود يشم دخان.. شعب مدمن.. الحريقة الجاية هتبقي فين".
تكسب طفاية
وقال مصطفى الشيخ: "أنا بتمنى الحريقة الجاية تكون في الكلية بتاعتنا... آه وكلية واحد صاحبى كمان وبعدها تخلص بقى الحرايق".
وأضافت شيماء بيشو بدر: "توقع مكان الحريقة.. ولو توقعك صح هتدخل معانا السحب".
وعلقت سمر "لو عرفت الحريقة اللي جاية فيتكسب معانا طفاية بافاريا الأصلية".
وتابع كريم أبو النصر: "أي حتة أوقاف وعليها العين وفى منطقة حيوية".