بالفيديو.. علاء وحيد: «ماحدش يقدر يلوى دراع الإسماعيلي»

قال علاء وحيد، المتحدث الرسمى لنادي الإسماعيلي، إن لاعبي الفريق حصلوا على 50% من مستحقاتهم، على عكس ما يدعونه.
وأضاف في تصريحات لبرنامج الملاعب اليوم، على شاشه الحياة 2: أنا شايف إن اللى بيحصل ده، نوع من التلكيك، ومفيش حد يقدر يلوى دراع النادي.
وتابع: يا ريت اللاعيبة ترجع لعقلها مرة أخرى، ويشوفوا كل أندية مصر اللي فيها أزمات مالية، وهيعرفوا أنهم مش صح، واحنا عندنا فرقة تانية، وهنلعب وده بتأكيد من الكابتن خالد القماش المدير الفني.
وأضاف: مش معنى كل واحد ليه فلوس متأخرة، يطلع ويقول أنا ماخدتش فلوس خالص من النادي، وهما واخدين أكتر من نص مستحقاتهم، مردفا: أقل لاعب واخد نص حقه".
وأكيد وحيد، أن أي خصومات، لا بد وأن تكون بناءً على لائحة، وبشكل قانوني، مضيفا: لا توجد خصومات خارج إطار اللائحة، وتم خصم 25% من مستحقات عبد ربه بسبب عملية الرباط الصليبى.
وعن مشاركة فريق الأمل "الناشئين" بدلا من لاعبى الإسماعيلي المتمردين قال: هناك من الفرقة، من هو مسجل بالفريق الأول، وتم هذا الإجراء من قبل الكابتن، خالد القماش.