خاص بالفيديو .. مرتضى لعبدالواحد السيد : "ياما" انا خفت

وجه مرتضى منصور رئيس نادي الزمالك الشكر لنور السيد وإسلام عوض وأحمد جعفر الذين ليسوا من أبناء نادي الزمالك، منتقدًا عبدالواحد السيد قائد الفريق السابق، لطمعه في تولي رئاسة نادي الزمالك، قائلًا: "ياما انا خوفت، رئيس نادي ايه هو انت عضو في النادي أصلا؟ انت كنت عامل اتنين صليبي وانا اتعاقدت معاك كتكريم ليك".
وأضاف مرتضى: "لو انتوا رجاله الفلوس دى كانت على ممدوح عباس مش على مرتضى منصور"، وتابع: "عبدالواحد عقده 7 مليون وطلع واخد في عهدي مليون و300 في 3 أشهر وممدوح عباس مداهوش ولا مليم، كنت فين يا ابو شنب أيامها؟ أى حد ليه فلوس عند عباس ياخدها منه، ما انت ساكت 4 سنين .. ولا هو يا تلعب بالعافية يا تقول ادونى فلوسي؟".
وأكد مرتضى أن الجهاز الفني للزمالك بقيادة أحمد حسام ميدو كان رافضًا لوجود عبدالواحد السيد في المباراة النهائية لبطولة كأس مصر أمام سموحة، إلا أنه تدخل وطلب من ميدو أن يحضر عبدالواحد المباراة في الملعب ليرفع الكاس اذا فاز الزمالك.
وتابع مرتضى: "طلبنا منه أن يرفع حازم إمام كابتن الفريق في الملعب حينها الكاس معه، رفض، وتحملناه"، مشددًا على أن مسئولي الزمالك لا يخافون من أحد.
واختتم مرتضى: "احنا مبنتهددش بالفيفا هو انا هسدد الفلوس اللى على عباس في اللاعيبه الأجانب ولا هسدد الفلوس اللى على عباس في اللاعيبة المحليين ولا هسدد الفلوس اللى على عباس في المبنى الاجتماعي، انا مش جاى اسدد مديونيات عباس، لا يا عبدالواحد مش هديك ولا مليم اشتكينى