بهلول المشغول: كلامى هذا للإخوة الصحفيين

واحد وواحد يبقوا اتنين
وأنا النهارده هقول كلمتين
وعلشان الكلام لا يطوووول
اسمعوا عمكم «بهلول المشغوووول»
وحدوا الصف وبلاش تخوين
علشان المنافس عايزكم كدا نصفين
وكلامى هذا للإخوة الصحفيين
لكن السؤال
هل هيقدروا يكونوا متماسكين
أشك
نشوف المعركة مين اللى هيكسبها مين
ماهى خلاص بقت معركة
بين شرطة وصحفيين
واللى يقول غير كدا
يبقى كداب وبالأمر مستهين
أنا بقى في الحرب دى مش خايف على الشرطة
لأنهم بيتحركوا مأمورين
لكنى خايف على اللى ماحدش يقدر يأمرهم
يعنى خايف على الصحفيين
واللى مخوفنى هو الانشقاق
أيوه.. الانشقاق دا شيء لعين
وخايف من بتوع المصلحة
أيوه
ماهو فيه مصلحجية بين الصحفيين
والمصلحجية دايما بياعين
وساعتها المجتمع هيصدق منهم مين
وساعتها هيبقى شكلهم شين
لأن هما اللى لازم يخرجوا غالبين
واللى يقول غير كدا
يبقى مش فاهم الدنيا رايحة لفين