نظرية1.. الإعاقه الفكرية

خلينا متفقين أن في ناس فاهمين معنى كلمة الاعاقة غلط، وانها تقتصر فقط على الاعاقة الجسدية، لكن احب اقول أن الشخص دا هي عنده مش اعاقة بالعكس عنده اختلاف يجعل منه شخص مميز، مثلا ممكن يكون في حفرة واللى بيمشى على رجله مأخدش باله ووقع فيها ممكن الشخص المتميز ميقعش فيها.. يبقى العيب مش أن يكون كامل أعضاءه موجودة ولا حاجة.
الإعاقة الفكرية عبارة عن وباء، مرض معدى زى الطاعون، بينتقل من شخص لآخر مثلا تلافى بنت عندها 13 أو 14 سنة وبيتقال عليها مخطوبة الناس بقى متعيبش على البنت دى لأنها تعتبر مغيبة العيب على أهلها ازاى التفكير دا؟ المشكلة أن دى مش واحدة ولا اتنين، دى بقت ظاهرة ولازم ينقضى عليها بجد، المهم التفكير الجاهل بتاع الأهل.
الحقيقة انا لا أطلق عليهم جهل لأن الجاهل مستحيل يكون بيتعامل مع تكنلوجيا وعنده اكونت على facebook الجاهل هو الذي لا يفقه شئ بمعنى الكلمة لاكن دا مدرك هو بيتخذ قرار ايه وبعدين البنت فاكرة حكاية الخطوبة والكلام دا غلط، دى مسئولية عليها وبعدين لازم توصل لسن محدد أو معين عشان تفهم وتدرك يعنى ايه مسئولية المفروض الدولة تعمل مراكز تأهيل للازواج وهما.
يأهلوا الزوجين ازاى يربوا أولادهم عشان ينشئ جيل صحيح واعى يقدر يستوعب يعنى إيه وطن يعنى إيه شغل والاهم يعنى إيه عقل وتفكير ويعملوا برده.
مراكز إعادة تأهيل للازواج اللى فشلوا في التربية وانشئوا عيالهم في بيئة غير صالحة والأطفال طلعوا غير كويسين بس عشان بالتفكير دا البلد دى اقسم بالله ما هتطلع قدام ولا خطوة واحدة طول ما في التفكير المتخلف، وأكبر دليل على تسبب الإعاقة الفكرية هو التدهور الاجتماعى والأمني والاقتصادى، ياريت نفهم كدا عشان البلد دى تشوف يوم حلو.