غضب بين المصريين بعد انضمام ممدوح حمزة ل«الشرق» الإخوانية.. «أحمد»: «الفلوس تعمل أكتر من كده».. إيمان: «بيروح لها كل نفايات مصر».. «رنا»: «اتلم المتعوس على خايب الرجا».. و«على»: «سبوبة ياكل منها عيش»

شن مستخدمو مواقع التواصل الاجتماعي هجومًا حادًا على الناشط السايسى ممدوح حمزة، بعد إعلان قناة «الشرق» الإخوانية انضمامه إلى فريق عمل القناة، التي تحمل في طياتها العديد من الشخصيات التي تنتمى لجماعة الإخوان الإرهابية، ومن جانبها رصدت «فيتو» تعليقات النشطاء.
«اتغشيت فيك»
قالت منة مجدى: «يا حول الله إنت مش كنت ضد الإخوان وكنت من الثوار الكبار فعلا الكل بتكشف ويبان على حقيقته فليسقط كل خاين وعميل ولا يريد الخير لمصر مش لاقى كلام أقوله فعلا اتغشيت فيك يا ممدوح»، فيما قال أحمد حسنى: «الفلوس تعمل أكتر من كده ومنهم لله كلهم الإخوانجية».
وعلق أحمد عزت على انضمام «حمزة» للشرق قائلا: «خليها تلم الزبالة بتاعة مصر كلها وتحطها في صفيحة زبالة واحدة.. أهي حتى بتنضف مصر من زيالتها»، وأضافت إيمان عبد العزيز قائلة: «هو ده المكان المناسب لحمزة علشان يطلع فيه كل الحقد اللي جواه ده كان هيولع من كتر الغل علشان محدش معبره في مصر.. قناة الشرق هي مقلب الزبالة اللي بيروح لها كل نفايات مصر».
«اكشف وجهك الحقيقى»
وقالت سلوى على: «الله يخرب عقلك ياباش مهندس اعقل وفكر في بلدك وبلاش.. خليك في شغلك إنت مهندس كبير ليه تضيع مشوارك علشان شخصنتك إحنا اخترنا رئيسنا ومش حانسيبه يارب تفهم وتهدى»، وتابعت راندا فؤاد قائلة: «راجل الغل طالع من عينيه»، فيما قال محمد محمود: «ايوة كده.. اكشف وجهك الحقيقى».
وأعربت دعاء إبراهيم عن أسفها لانضمام «حمزة» للشرق قائلة: «لا حول ولا قوة الا بالله العلى العظيم ليه كده يا ممدوح»، وقالت رنا ناصر: «اتلم المتعوس على خايب الرجا»، فيما قال على منصور: «سبوبة ياكل منها عيش»، وتابع محمد العربى قائلا: «هو ده مكانه اظهر وانكشف على حقيقتك».
وكانت قناة «الشرق» الإخوانية، أعلنت، مساء اليوم السبت، عن انضمام الناشط السياسي ممدوح حمزة إلى فريق عمل القناة، حيث يقدم برنامج «أكاذيب تكشفها حقائق».