أطرف تعليقات الشباب على «إعلان حضن للفتيات الحزينات ب135 جنيه»

عرضت إحدى صفحات موقع التواصل الاجتماعى «فيس بوك» والتي زعمت أنها تابعة لإحدى وكالات الإعلان، عرض غريب على متابعيها، ما أثار سخريتهم الشديدة، وكان العرض كالتالى: "سعر الحضن للفتيات الحزينة.. 135 جنيه- مدتة 20دقيقة.. احصلي على دفء حنان.. غرام.. مع الشاب الوسيم الذي يناسب شخصيتك لا تتردي، في الحصول على السعاده للحجز والطلبات يوميًا".
واستنكر نشطاء «فيس بوك» ذلك الأمر، ساخرين من العرض الغريب والخارج عن تقاليد المجتمع المصري.
قال أحمد خالد: "كده فاضل 15 جنيه يا آنسة.. مانا لسه محضونة إمبارح ب 120 وكان أدفى من كده!"، وأضاف أسامة أحمد السيد "أنا ممكن أقطع عليكم واشتغل ببلاش لا كمان ممكن أدفع علشان أحضن.. تيجوا نشتغلها!؟ - إنت شغال إيه يابني! = شغال حضان ياعمي".
وقال ميرا نور: "وده أوبشن ال... المدفوع مقدما من افيون ده انتو بيدج... جتكو الأرف بالنسبة للذنوب وربنا!! ولا ملحدين؟"، وعلقت داليا البنا: "أنا فاكرة أول مرة دخلت المكان ده كان في أغسطس74 ومن ساعتها مخرجتش أصلي محبيتش الموضوع أوي".
وسخرت هدير ممدوح: "لا تترددي أيتها الفتاة العرض لقطة بصراحة 135 ج بس يا بلاش وربي أنا لو معايا المبلغ مش هقعد فيها أصلا وبعدين لازم يعملو خصم كده كتير وفى ملحوظة كمان لو الحضن مش دافى ومعجبنيش من حقى أخد فلوسى"، وقالت جوليان رو: "وبتسألوا مصر دايما ورا ليه عشان أبسطها قرف زي دا لا حياء ولا أخلاق بعيد عن الدين عشان متقولوش مشايخ دي اسمها قلة أدب والله".
وأضافت زيزي أم حمزة: "يابني إجري العب بعيد علاج البنات سندوتش شاروما وتومية وبيبسي أحلي من مليون حضن... يالي محسوب ع الرجالة وانت ولا تسوي"، وعلق محمود عيسى: "أنا ممكن أحضن ببلاش أو نحط الدخل اللى يجي في صندوق تحيا مصر".