«كلام ما يفهمهوش غير المصري».. «إجراموز»: «مصلحة ولا مروحة».. خيري: «الشكرمون طاخ في الترلولي».. زينب: «فركة كعب ومسافة السكة».. محمد: «شخلل عشان تعدي».. «بندق»: «إلبس عشان خارجين»

كشف نشطاء مواقع التواصل الاجتماعي "فيس بوك وتويتر"، عن المصطلحات والمفردات التي يستخدمها المصريون في حياتهم اليومية ولا يفهمها غيرهم.
ودشن النشطاء هاشتاج "كلام مايفهموش غير المصري"، سردوا من خلاله تلك المفردات الخاصة بالشعب المصري والمميزة له.
خمس دقايق
قال زكي بشكها: "كلام مايفهموش غير المصري خمس دقايق وأكون عندك.. هتقولهم لي نيللي نيللي هقولهم لك شيريهان شيريهان".
وعلق بندق "كلام مايفهموش غير المصري إلبس عشان خارجين".
وأضاف إجراموز: "كلام مايفهموش غير المصري انزل من على دماغي.. مصلحة ولا مروحة.. الاصطباحة".
وتابعت مصرية أوي "كلام مايفهموش غير المصري البتاع".
مسافة السكة
وقالت زينب عادل "فركة كعب كلام مايفهموش غير المصري.. مسافة السكة".
وعلق جيفاري "كلام مايفهموش غير المصري.. أول ما نشخلل الشخاليل ونشمرق الشواشي هتسرسق المصاري وهنشفك دغري".
وأضاف محمد "كلام مايفهموش غير المصري شخلل علشان تعدي".
وتابع محمد خيري "كل حاجة بتغلى إلا البني آدم بيرخص كلام مايفهموش غير المصري.. الشكرمون طاخ في الترالولي".
وقال عبده عمر "كلام مايفهموش غير المصري، أول ما يقول مع احترامي لك اعرف أن بعدها مفيش احترام خالص".
وعلق أحمد مارد تويتر "كلام مايفهموش غير المصري، هزحلقه وأنجز المصلحة وأهبأ عليك في السخان".
اخطف رجلك
قالت بشرى عزيز "كلام مايفهموش غير المصري خمس دقايق وأكون عندك.. تلحق تتغدا وتتعشى قبل ما تخلص الخمس دقايق".
وعلق محمد جيفر "كلام مايفهموش غير المصري، روح اخطف رجلك هات لي بطرمان مربى وإلبس المنطلون وماتنساش تلبس فنلة بحمالات".
وأضاف حودة رحال "ب2 جنيه فول كل جنيه لواحده أكتر بكتير من 2 جنيه فول على بعض.. كلام مايفهموش غير المصري".
وتابع رامي حين ميسرة "والله ما عملت حاجة أنا جيت لقيتها كدا.. كلام مايفهموش غير المصري".
مصر يامه يا بهية
وقال أبو ريتال "لما ننادي على واحد ويقول أيه.. هنا بقى بتبدأ الحفلة.. إللي يقول بجنيه.. وإللي يقول العب باليه بنص جنيه كدا يعني.. كلام مايفهموش غير المصري".
وأضاف سليم عنف "كلام مايفهموش غير المصري، مصر يامه يا بهية يا أم طرحة وجلابية، الزمن شاب وأنتي شابة هو رايح وأنتي جاية، مصر يامه يا بهية".
وتابعت ماهي حشمت "فاكرة عمر؟؟ - عمر مين!! *يا بنتي عمممرررر.. - آه افتكرته.. *شعب بيفتكر بزيادة عدد الحروف.. كلام مايفهموش غير المصري".
وعلقت حنان مرسي "أن الجار للجار، طبق البامية.. والمحشي رايح جاي من أم أحمد.. لأم مينا، مسلم مسيحي في طبق واحد، والكل يسمي بسم الله، كلام مايفهموش غير المصري".
وقالت هاجر "5 دقايق وأكون عندك* وهو لسه نايم ع السرير، يتصل بيه واحد ويكون مش مسجل رقمه، يقول له أصل الأرقام اتمسحت من عندي.. كلام مايفهموش غير المصري".