اللى بنى مصر 5

رمضان جه والعدل ماجاش
والمظلوم ما بيستناش
لما ندور كل تروسنا
ومعاها كل اللوناش
تتحرك تانى مصانعنا
ونصدر كل اللى اتحاش
ولا قطر نوقعه وحرايق
قاصدينها والموت نتاش
العدل يوميها حايشرف
والحرية ما تسيبناش
واللى بنى مصر حا يتبسم
بعد ما عاش وكإنه ما عاش
اللى بنى مصر دا كان مارد
يرعب فى فلول الأوباش
راح يرجع وضرورى حايرجع
يبنى ويزرع ولا يهداش
رمضان جه والعدل ماجاش
والمظلوم ما بيستناش
إحنا اللى بايدينا حا نتغير
لما نغير ف اللوشاش
وش يهد.. وش يسد
وش يمد ويرجع بينا للأحراش
وبيتنكد لو فى بلدنا واحد عاش
التجريب والبحث العلمي
مركب من كرتونة وباش
ياما وشاش
لما ندور كل تروسنا
ونشغل كل اللوناش
ما تفكرش إنك وحداني
ييجى الشعب الهادر تانى
ولا يسيبناش