اللى بنى مصر

واقف فوق شطوط الريح
يسمع غناويها مع المجاريح
للريح غناوى م الأزل ما سمعناهاش
بتيجى لينا مغلوشة وماعندهاش
مزيكة فيها ملخبطة بنغم شديد
زعيقها ثورة ف قلبها وكلها بركان كلام
العدل والحرية نعمة
وأنغام للسلام
وأهم نغمة.. كيف يقضينا الطعام؟
زعق العبيد بنشيد
زلزل عتاقة ورد
واتمد شد النيمانين فى الطل
م الثغر لما السد
لكن غناوى الريح كانت قوية بجد
ماسمعش حد من النغم الا الضجيج
ووسط حضن الريح..
شفنا عفار الهد
لو بس ييجى السندباد
يمكن يقيم الميزان
يصحصح النغمات
وينصف الإنسان
يمكن غناوى الريح وقتيها نسمعها
نحذر من الشين.. والزين يزوقها
العدل مركب مركب مصر للمعلوم
حتما يدوم والنجوم حاتسيب له منشأها
تنزل تبارك وتبقى تاج على جبينه
وتبقى هى الماشالله وبأدينا.. نعلقها