بالصور.. نقيب شرطة يهدد مواطنا داخل محطة بنزين في المعادي

أرسل مواطن، عبر خدمة «واتس آب فيتو»، شكوى إلى اللواء مجدى عبد الغفار وزير الداخلية، لواقعة مؤسفة تعرض لها داخل محطة بنزين من نقيب شرطة.
وقال في رسالته: «داخل النهاردة الساعة 4:15 بنزينة وطنية اللي على الدائرى في وطنية المعادى وكل السيارات واقفة طابور للدخول للمحطة وجاء الدور على للتزود بالبنزين وفوجئت بسيارة الباشا راجع بظهره بعد مدخل من مخرج المحطة والعساكر اللى واقفين على طلمبة البنزين بيوجهوه يدخل من المدخل الثانى».
وأضاف: «وليه وليه بكلم الباشا وبقوله الناس كلها واقفة طابور لف من المدخل التانى لقيته فتح صوته في المحطة بصورة هستيرية وبالنص: هو كل من هب ودب هيتكلم كل واحد يخليه في حاله ولقيته أخد نمرة عربيتى وجالى قدام الناس كلها ويقولى ورب الكعبة لبيعهالك ورب الكعبة لدفعك تمنها مخالفات!!!!.. طبعا صورت الباشا النقيب اللى فاكر نفسه فوق القانون والناس.. والمصيبة إن حضرته طامس نمرة العربية بتاعته ولاغى الحرف الأول من النمرة».
وتتيح «فيتو» لقرائها التواصل الدائم معها عبر كل وسائل الاتصال الممكنة للأجهزة المختلفة، وهي «الواتس آب whatsapp، سكايب skype، فايبر viber، لاين line، بي بي إم BBM، وكيك kik»، وذلك عبر الرقم «01270709070».