STATUS TWEETS

تامر المهندس: ذات مومنت لما تعرف ان اتحاد علماء المسلمين بيشكر مرسى على ضغوطه لوقف العنف ضد المتظاهرين فى» بنجلاديش..يو فيل لايك: انا ممكن الف ملاية على وسطى و اتظاهر بيها .. اعتبرنى بنجالى يا أخى..
وليد المنشاوي: أما آن الأوان للاستفادة من مبنى جامعة الدول العربية و تحويله إلى قاعة أفراح أو جيم وصالة بلياردو بدلا من هذا الهراء؟
السيد العقاد: فقط فى مصر .. الشعب كله فوتوجرافرز ماعدا الراجل اللى بيصور الشعب صورة البطاقة..
المجلس الأعلى للألش: مارك بقى بيسرق تصميمات اكتر من العيال بتاعة البيدجات الكتيانة اللى بتيجى تسرق من عندنا الشات..
أحمد فرحات: أهم مبدأ لازم يؤمن بيه اي رئيس قادم لمصر ويطبقه في حياته العملية هو ان الشتيمة ما بتلزقش..
محمد فاروق: لو أمطرت السماء «حرية» لغني الاخوان.. «دقوا الشماسى».
الفت المسلماني: قال لك جبهة الخراب . . .حوش ياض النهضة والاستقرار اللي بينقطوا منك..
عبده البش: إبداعنا فى التاتش وتحوير أى خبر أو معلومة مخلينى مقتنع إن نص معلوماتنا عن الفراعنة هتطلع فشنك..ومش بعيد يطلع إن الملك مينا كان «حازمون» أساسا..
أحمد علام: النهضة ألا تحرم ابنك من قولة « هييييييييه» لما النور يقطع 18 ساعة وييجي «ده لو جه».
لمياء الحويطي: معنديش اي اعتراض على المناهج اللى كنا بندرسها زمان .. بس إيه المبرر ان واحد يجيب قطة ويسميها «نميرة» و يعمل لها نشيد..
معتز بالله محمود: متخيل شكل الفراعنة وهمّ ميتون من الضحك علينا لو طلعت البرديات والنقوش المكتوبة دى كلها شائعات كان بيكتبها أجداد أدمنز صفحات فيس بوك..
فايز البدري: مصر هى البلد الوحيد فى العالم اللى ممكن يحصل فيها كونفرزيشن كاملة بالأب و الأم بين اتنين سواقين ميكروباصات بالكلاكسات بس..
بوسي النويهي: الشيخة موزة تحتل المركز الرابع بين اكثر النساء أناقة ..تستاهل ده حتى اسمها أنيق.. كده شيخة وموزة.. الاتنين..
علياء ممدوح: لكل الي بيتريقوا علي حصول الشيخة موزة علي المركز الرابع في الاناقة في العالم، ما زيتونة مرات باباى كانت بتتخطف كل حلقة.. هى أحسن منها فى إيه؟!
محمد عبد الهادي: نادر بكار : «قدمنا ملف أخونة الدولة للرئيس وفي انتظار الرد » .. قول و المصحف ؟ ومستني رد كمان ؟
مينا محروس: نادر بكار مقدم ملف أخونة الدولة للرئيس اللي بيأخون الدولة .. لا وإيه.. مستني رد على اساس ان مرسى من حزب التجمع..
احمد الصياد: السلفيون لما يألشوا: أفعال لا أقوال..