نادر بكار فى البوليس الحربى

«تعذيب وجدي العربي في فيلم إحنا بتوع الاتوبيس كان مجرد تمثيل، وليس مبررا لاختياره في مجلس حقوق الانسان « هكذا وجه شباب «فيس بوك» رسالتهم الي جماعة الاخوان المسلمين، وحزب الحرية و العدالة، علي خلفية اختياراتهم لأعضاء مجلسي حقوق الإنسان والمجلس الاعلي للصحافة الذي غاب عنه الشفافية ارجع الشباب بعض الاختيارات الي أنها تسديد لفاتورة الانتخابات السابقة، وانتشرت علي «فيس بوك»و «تويتر» تعليقات و صور ساخرة «فيتو كافيه» رصدت ابرز تلك التعليقات ...
طارق الغزالي : بكار في مجلس حقوق الإنسان.. بكار في المجلس الأعلي للصحافة.. بكار في تأسيسية الدستور.. بكار في البرلمان.. وقريبا بكار في الأسطول ، وبكار في البوليس الحربي
خيري التيتي : بكار : لا أطمع في عضوية المجلس الملي للأقباط الأرثوذوكس .. ومشاركتنا لاتعني الانفراد بالباباوية .
نبيل صادق : عاجل.. تعيين إلهام شاهين.. وغادة عبد الرازق.. ودينا.. فى المجلس الأعلى للثقافة و»الرقص» العلمى.. أسوة بتعيين «بكار» فى الأعلى للصحافة.
أحمد خير : حد يفهم الإخوان ان التعذيب اللي اتعرض له وجدي العربي في فيلم» احنا بتوع الاتوبيس» كان تمثيل..ومش مبرر كافي لترشيحه لمجلس حقوق الإنسان
فادية محمود : قعدنا نقول بكار بطل ييجي في رمضان.. أهو هيجي طول السنة و في كل «المناصبات».
صفحة «المجلس الأعلي للألش « نشرت تغريدة لنادر يعلن فيها اعتذاره عن المنصب وعلقت الصفحة : نادر بكار اعتذر عن عضوية المجلس الأعلى للصحافة .. شايفين الألش ممكن يعمل ايه فى الواحد ؟؟ هنا تكمن أهمية الألش فى تغيير مسار التاريخ.
ستيفين نبيل : عايز تشتغل مهندس وانت خريج طب؟ .. ربي دقنك..عايز تشغل مدرس وانت دبلوم؟ .. ربي دقنك.. عايز تبقي عضو في الاعلي للصحافة وانت خريج تجارة؟ .. ربي دقنك.
إبراهيم الجارحي : اللي يعين نادر بكار في المجلس الأعلى للصحافة يعين ايتن عامر في المجلس الأعلى للدعوة والبحوث الإسلامية.
محمد شاهين : بيتهيأ لي نادر بكار كده مش فاضله غير المجلس القومي للمرأة علشان يدخل الموسوعة و يبقي مفيش مجلس في الدولة مجلسش فيه.
عزت منصف : نادر بكار مرشح لعضوية المجلس الأعلي للصحافة وهيمسك الهيئة العامة للاعتذارات.
علي الجانب الآخر سخر بعض الشباب من إمكانية أخونة الدولة و قال حازم خير الله : احب اقول للناس اللي خايفة من اخونة الدولة ..و اللي خايفين من الاخوان : علي فكرة الانجليز احتلونا 74 سنة ولسه منعرفش الفرق بين ال B و p .