أعرف يعني أيه بوليتكا ألش

بوليتيكال ألش" واحدة من مجموعة صفحات ساخرة يطلق عليها امبراطورية الألش ...بقيادة "ألشنتاين" ، لغة الصفحة "الألش" .. وهي لغة شباب هذا الجيل .. تتناول الأحداث بطريقة ساخرة تدعوا للضحك أحياناً .. وللبكاء أحياناً من كثرة الضحك .. واحياناً تصيب القارئ بصدمات نفسية في حالة الألش من العيار الثقيل .
ولدت بوليتيكال ألش عام 2010 في شهر مايو (قبل الثورة) .. وكانت تتناول قضايا سياسية في ظل النظام الحاكم المستبد بطريقة ساخرة .. من خلال "ألشات وصور وفيديوهات ورسوم كاريكاتير" .. تتعدّى كافة الحدود دون الإنتماء لحزب أو إتجاه سياسي معين ..
وتحول شعار الصفحة "من ألشك أنت" في حكم الحزب الوطني ..
حتي قامت الثورة .. فتغيّر الشعار إلي "نألش الصورة بالكامل" في ظل الأخبار المفتعلة والشائعات على الإنترنت ، ثم تحوّل الشعار إلى "صوتي ياللي انتي مش غرمانة" أثناء الإستفتاء وإنتخابات البرلمان المصري ثم إلي "لا للمحاكمات المدنية للعسكريين" في ظل مهزلة محاكمة مبارك والعادلي وأعوانه إنتهاءاً ب
"إئلش .. الثورة تطلع حلوة" .
في ظل الأحداث الحالية واللتي نعتبرها مادة خصبة للألش والقرارات الكرتونية .. وافلام الدراما والأكشن المفتعلة بواسطة المجلس العسكري وحكومتي شرف والجنزوري بما فيها مجلس الشعب الكوميدي .
الصفحة بإدارة مجموعة من الشباب المصري من مختلف الأعمار ومن مختلف المحافظات ومن مختلف التيارات السياسية .. هدفهم "رسم الإبتسامة" من خلال السخرية من الأحداث والمواقف السياسية على الساحة المصرية .. ونشر الوعي السياسي للمواقف السياسية وإنتقادها دون الإنحياز لتيار معين .. وبإتباع مبدأ
"الإلحاد السياسي"
___________________
ومن ألشات الصفحة ..
ففي ظل حكم مبارك ..
" أمن الدولة المصري يثبت أن الأنسان ممكن ينتحر برصاصتين في الرأس"
وأثناء تظاهرات التحرير ..
"أبويا مش عايز يسيبني أنزل التحرير .. الواحد مبقاش عارف ينزل الميدان عشان يعتصم ولا يعتصم عشان ينزل الميدان" .
وفي ظل إنتقامات الداخلية من الشعب... "جنود وزير الداخلية السابق يطبقون نظرية "عاد لي" ينتقم"
وتعليقاً على اخبار القبض على البلطجية ...
" لو الداخلية كانت بتلم البلطجية .. كانت لمّت نفسها"
وحينما تراءت للجميع الوجه الآخر من مبارك في صورة طنطاوي ..
"كنت تقصد بإيه يامبارك بإنك لم تكن "طنطاوي" الترشّح لفترة رئاسية أخرى!"
وفي ظل ظهور الفلول علي الساحة ايضاً
"مباريك .. مشير للشفيقة"
وفي ظل مهزلة المحاكمات ...
"مبارك لو اخد براءة هيبقى بسبب "القضاء" والقدر"
وتعليقاً على نقل الأحداث قبل حدوثها في الإعلام المصري ..
"عاجل .. طلبات لتحويل خيري رمضان و لميس الحديدى الي التحقيق !!
وذلك لاهمالهم وتراخيهم عن اداء عملهم وعدم الاعلان عن حريق سيوه قبل حدوثه"
وتعليقاً على انجازات الثورة في مصر..
"عملنا ثورة فى مصر جه رئيس تونسى منتخب .. عملنا اضراب فى مصر نجح فى اسرائيل .. حاصرنا ماسبيرو عالكورنيش اقتحموه ف اليونان !!"
وتعليقاً علي حريق المجمع العلمي...
"عايزين تقنعونى ان المجمع العلمى متحرقش ب ماس كهريائى !!
ازاى ده ؟!!
وتعليقاً علي شعار الجيش حمى الثورة
"مش كنا خلينا الثوره سينجل عشان ميبقاش ليها " حمى ""
________________________________________
ومن الألشات المختلفة
_____
الشعب طالب بالحريه
خد حريه وعداله !!
_________
فين أيامك يا مبارك .. كنت بتنتخبلنا واحنا فى البيت
دلوقتى طوابير و قرف
آدى يا عم الثوره والى خدناه منها
__________
يعنى ايه الشعب المصرى
يعنى مدونه علياء تعدى ال 5 مليون زياره وفيلم شارع الهرم يحقق أعلى ايرادات فى تاريخ السينما
ونرشح الحريه والعداله وحزب النور فى الانتخابات
وهى دى العيشه مع الشعب المصرى
________________________________________
توفيق عكاشه هو المصرى الوحيد الذى تنطبق عليه كلمه " تلاقى أمك الى جايباها لك "
________________________________________
من سخرية القدر
إن البلطجي في مصر بيجيب في الثانوية العامة مجموع أكتر من إللي جابه أتنين لواءات مع بعض
________________________________________
في ظل مارثون الترشحات للرئاسة .. الحمار يرشّح نفسه لمنصب ملك الغابة
.