شلاليت

اطلع بره اطلع بره
انت ياكابتن مش لعيب
كل شوية بتعمل ثورة
بس ما فيش ولا جول بتجيب
كل شوية تقول أنا لاعب
أو مش لاعب تقصد إيه
الأيام مش ناقصة متاعب
واللي في قلبك قول لي عليه
انت الكل احتار وياك
مرة أنا كابتن كل الناس
وإن جمهورنا هتف ورماك
ترجع تاني تبوس الراس
قول لي حكايتك إيه ويانا
انت ياكابتن محتار ليه
كل ما تلعب لعبة معانا
تطلع عكس ما قلت عليه
انت الريس.. أيوه ياكابتن
بس كمان إحنا اللعيبة
مش حتجيب ولاجون لو تركن
جنب الخط وتبقي دِى خيبة
الجمهور ليه ثاير قول لي
مش علشان مش عارف تلعب
كل ما تلعب لعبة تمللي
تطلع بره والناس تتعب
ما تريحنا ياكابتن سوسو
الجماهير مش ناقصة هزايم
والبكاش الناس حتدوسه
ومفيش حد ياريس دايم