«أنا_من_سينا_أنا_مش_إرهابي؟» شعر ل«مي مدحت»

كتبت الشاعرة مي مدحت قصيدة جديدة بعنوان «أنا_من_سينا_أنا_مش_إرهابي؟» والتي تقول كلماتها:
أنا_من_سينا_أنا_مش_إرهابي؟
أحب أعرفكم بنفسى أنا إنسان
مش مهم لوني وديني ولا المكان
ليا اسم وليا نفس وليا بيت بأربع حيطان
مطلوب بطاقة أو شهادة أو حتى ختم بالأديان
كل ده موجود وحاضر
كل ده على إثباته أنا قادر
بس فهموني على سؤالي جاوبوني!
هو أنا مجرد ورق وحبر سالت عليه عيوني
أنا مش عايش في الورق وأنا مش حجر
أنا لحم ودم م الآخر أنا بشر
بتهم معرفهاش بتحاكموني
لا أنا ?#إرهابي? ولا أنا جاسوس ولا أنا صهيوني
أنا مصري بأبويا وأمي وشكلي ولوني
وأنا من ?#سينا? وأنا مش إرهابي
لا أنا ولا أهلي ولا حتى صحابي
قبل ما تحكموا عليا إسمعوا أسبابي
أنا مواطن في بلده مالوش دية
حابب بلده وحابب أرضه وحابب حتى القسية
ليه بإرهابي تسموني بكل ظلم بتحاسبوني
عالقتل والدم زور بتتهموني
لا.. هقول والمرة دي هتسمعوني
أنا من سينا وأنا مش إرهابي
على الشهيد دموعي بكيوا
ودموع أمي عليهم شهدوا
عالقتل أنا مقدرش.. سلاح.. سكين مامسكش
يمكن لو فرخة أنا مادبحش
على الأخلاق أنا اتربيت
أبدا عمري ماخرب بيت
وبرغم دة كله عمرى ماشتكيت
لا مش أنا إللي بتحكوا عليه
لا أنا القاتل ولا أنا الإرهابي
ولا حتى انا بيه
أنا غلبان ولا حتى أعرف ذنبي إيه
بلدي ده ذنب؟ لا اسمحولي
الذنب فينا وموافق أبقى الإرهابي
بس ?#إرهابي_ومش_من_سينا?
?#أنا_الإرهابى_وأنا_مش_من_سينا?