انفراجة أزمة «النور» و الرئاسة بعد وساطة دوللى شاهين

الأزمة بين حزب "النور" و الرئاسة تصدرت تعليقات الشباب عبر مواقع التواصل الاجتماعي المختلفة، الازمة التي بدأت بعد إقالة مرسي لمستشاره خالد علم الدين ادت لهجوم شباب النور علي مرسي بعد ان كانوا من اهم المدافعين عنه في الواقع الافتراضي, باعتباره مبعوث العناية الالهية، الشباب توقعوا ان تحاول دوللي شاهين التدخل لحل الازمة, باعتبارها من المقربين من جماعة الاخوان و حزب الوسط بعد دعوتها في مؤتمرهم الاخير بالغردقة ، "فيتو كافيه" رصدت تعليقات الشباب ..
محمود الشبراوي : الرئاسة لخالد علم الدين : متصعدش علشان منقلش..وخالد علم الدين : اطالب بالاعتذار ..والنور ينتقد الرئاسة ويهدد..ايمن الصياد : علي البلتاجي يراجع تصريحاته ياما هنتكلم.. يا جدعان حرام عليكم احنا الشعب ...مخبيين ايه علينا وماسكينه لبعض؟ انتوا عاملين زي اللي بيتخانقوا في حارة..ده مش شغل ناس مسئولة ابدا..
هويدا عبد العزيز : مندهش للغاية, كيف يقابل الاخوان حملة السباب و التشويه المتعمد التى يشنها نادر بكار و بقية التيار السلفى النارية ضدهم, بهذا الصمت المريب دون أن يشتمواالبرادعى و حمدين؟
احمد نصحي : صفحات السلفيين شالت صور مرسي ونازلة تهزيء في الاخوان.. ناقص يكتبوا اخص عليك يا مرسي يا خاين.. كده هنت عليك؟
سامح سمير : أتمنى ان يقوم الرئيس مرسى, اعمالا لمبدأ الشفافية, بإقالة بقية مستشاريه و مساعديه كى يتاح للجمهور فرصة للتعرف على اسمائهم و اختصاصاتهم
رئيفة مدحت : لا حول ولا قوة الا بالله.. ما لك يا عم؟ مصيبة يا اخويا مصيبة.. ايه يا شيخنا قتلوا حد؟ لا افظع..
سحلو بنات؟ لا لا اوحش من كده .. كشفوا عذرية وفقعوا عيون؟ لا يا أخي افظع من كده..أومال ايييييه؟
خدوا مني الكرسي.. إهيء إهيء إهيء اه يانا ياما يانا ياما..