قولي يا ابني مشفتش ابني؟؟ كان لابس زيك تمااااااام طقيه بنسرها علي راسه والبياده والحزام وفي إيده ماسك سلاحه وفي الطابور علي طول قداااام واد سماره وهبته راجل ولاعمره يوم عن أمه اتأخر ولا عمره يوم عن واجبه نام كان لسه مخلص عزاله كان لسه مخلص علام لو حد شافه يقوله أبوه جاله....... والشقة خلصت دهان وخطبتك بتسلم عليك والعيلة بعتالك سلام ..................... ابنك يا والدي عند ربه شهيد يشفع للأنام يمسك إيديك يوم القيامة يحميك يوم الزحام وياخدك لباب الجنة ويرفعك أعلا مقام ابنك مامتش يا أبويا ابنك حي عند ربه ف الجنان ..................... أأأأأأأأأأأأأه يا ولدي خدك الموت مني وانت ف عز الشباب خدك وسبني وساب شعري اللي شاب خدك ورماني ف وسط العزاب طب أقول ل أمه إيه لما تسألني عن ضناها اللي غاب؟؟ والله..................... لصرخ صرخه تصحي كل الجيش يارئيس يا مشير يا فريق ياشاويش ابني كان بينه وبين عرسه مفيش ابني راح عندكو ومجاليش دانا ف الدنيا دي غيره مليش ابني مات علشان وطن يعيش