"أنا الإنسان" قصيدة ل "مينا إميل يوسف"

أنا الإنسان
بإحساس واحد
مهما اختلفت الأديان
أنا الإنسان
بنفس الدمعة
مهما اختلفت الأحزان
ولو إنسان
زيي تمام
أكيد برضوا
ما تقدرش
تشوف إنسان
بيدبح أخوه الإنسان
في أنهِ زمان؟
في أنهِ أوطان؟
في أنهِ مكان؟
في أنهِ أديان؟
هذا الطغيان
والله حتى
في غابة الحيوان
بياكل علشان
بس جعان
وما عندوش عقل
ولا وجدان
هو أنت جعان؟
جاوبني حتجيبلي جنان
فراجع نفسك
يا إنسان
لو شايف
نفسك إنسان
إذا كان ربنا
سايبه يعيش
وياكل عيش
أنت كمان
سيبه يعيش
إذا كان عندك عقل
ولا ما فيش
إذا بتموت علشان ربنا
فأنت بتقول ربنا ضعيف
حاشا لله
أنت اللي تفكيرك سخيف
ربنا قوي مش محتاج تعريف
لكن أنت ماشي ورا تخريف
يا داعش افهم الدين الحنيف