بالفيديو.. اعرف شخصية حبيبك في «الفلانتين» مع «أبوحفيظة»

قال الإعلامي أكرم حسني، الشهير ب«سيد أبو حفيظة»، ببرنامج «أسعد الله مساءكم» المذاع على فضائية «MBC مصر»، إن أهم شيء في الحب أن تعرف كل معلومة عن من تحبه، مؤكدًا أن ذلك يظهر من تصرفاته وكلامه ومن طريقة احتفاله بعيد الحب.
ووجه «أبوحفيظة»، حديثه للبنات قائلًا: «لو جابلك دبدوب ومعاه برفان، وكارت صغير، يبقا اسمه عبدالرحمن، ومامته كانت بتجيب شعره على جنب واسمه بودي، وكان بيجيب لمامته طقم كوبايات في عيد الأم، ولو قالك أنا مش بعترف بالفلانتين، وكل أيامنا مع بعض عيد حب يا حبيبتي، لازم تعرفي أنه بيحور عشان ميجبش هدية، ولازم تعاقبيه وتسبيه في يوم الفالنتين».
وعن الشباب قال: «لو جاتلك من حبيبتك هدية غير محفظة أو ساعة يبقا انت اخترت صح، غير تقليدية، ولازم تجيبها تشتغل معانا في البرنامج، وعشان تتجنب الفركشة في الفلانتين، متقولهاش عاوزك تبقي أحلى واحدة عشان متضربش، وميبقاش مرتبك 1200 جنيه وتقولها هنعيش في قصر».