بالفيديو.. ريهام سعيد تكشف السبب وراء سقوط نعش «فاتن حمامة»

هاجمت الإعلامية ريهام سعيد، مقدمة برنامج "صبايا الخير" على قناة النهار، كل من تسبب في عرقلة جنازة "سيدة الشاشة العربية" فاتن حمامة.
قالت ريهام إن سبب سقوط نعش "فاتن حمامة"، أثناء تشييع جثمانها، هي المخدرات التي يتناولها الجميع.
وأضافت قائلة: "أستاذ عمرو أديب وهو بيتكلم على جنازة الفنانة سيدة الشاشة العربية فاتن حمامة الله يرحمها، كان قبليها بيوم على طول جايبين فيلم، على مش فاكرة قناة إيه، سي بي سي.. عشان تعرفوا إن أنا روحي رياضية وبتفرج على القنوات التانية اللي بتكرهني، نهر الحب، وبقول ياه قد إيه الست دي جميلة وعظيمة".
وتابعت ريهام قائلة: "عمرو بقى طول ما هو بيتكلم بيقول إيه، إيه اللي حصل، ليه ليه الست دي النعش بتاعها يقع، وليه نهد الجامع وإحنا نازلين، وليه الموبايلات تطلع في جنازة، المفروض إن إحنا نتشاهد، كنت عايزة أقوله يا عمرو عشان المخدرات، والله العظيم عشان المخدرات".
واستطردت: " إن ثلاثة أرباع الناس دي واللي بتصلي كمان بتاخد مخدرات، والله العظيم، ما هو أنا عشان أشوف نعش جي، بدل ما أوسعله أروح عليه أكثر وأشوف النعش بيتحرك هيقع وأزنق أكثر وأزق أكثر وأبقى في كل ده بطلع موبايل.. أنا كنت عايزة أقول لعمرو أديب يا عمرو المخدرات بوظت كل حاجة، بقت عاملة انعدام بالشعور بأي حاجة حتى الموت".