محمدين وحسانين .. والرئيس

عبر موقع التواصل الاجتماعي فيس بوك نشر سالم محمد النشوقاتي قصة بعنوان محمدين وحسانين لحث الشباب علي توحيد صفوفهم ودعم مرشحي الثورة وقال النشوقاتي: محمدين: هتنتخب مين؟ حسانين: هنتخب عبد المنعم أبو الفتوح.. محمدين: الإخواني؟ وده تنتخبه ليه .. ده وهابى متطرف .. أنت عايز تخلى مصر تبقى إيران .. عايز تخلى المتأسلمين يحرقوا البلد ويمنعوا الفن ..حسانين: ما تحترم نفسك .. أما انك راجل قليل الدين .. ما أنت ليك حق تكره أبو الفتوح .. ما أنت ما بتركعهاش .. أبو الفتوح عنده برنامج انتخابى ما يخرش المية .. وأنت يا خويا هتنتخب مين؟ محمدين: حمدين صباحى، حسانين: هأ .. اما عجايب .. منتظر ايه من واحد ناصرى زيك .. ما لازم ينتخب واحد زى حمدين صباحى .. امال يعنى هتروح تنتخب واحد إسلامى. محمدين: انت نموذج إسلامى عرة .. بيسيء للإسلام .. أنت واللى زيك اللى كرهتونا فى الاسلام والاسلاميين .. حمدين صباحى أشرف منك ومن اللى زيك. حسانين: انت واللى زيك مش محتاجين حد يكرههم فى الإسلام .. انت واحد ناصرى .. يعنى منتظر تكون ايه؟ شيخ جامع .. الله يحرقك انت واللى زيك ..محمدين: ياللا يا متأسلم يا لمامة ..حسانين: المتأسلم دى تبقى امك..(وهنا نزل الاثنين فى بعضهما ضربا مبرحاً حتى قطع الخناقة صوت الراديو والمذيع يعلن فوز عمرو موسى برئاسة الجمهورية).
تعليق صورة a4
شغل مخك وانتخب واحد مرشح نفسه!
محمد سالم: عارف لو شغلته وقررت تنتخب واحد مش مرشح نفسه أصلا .. والله ما هأزعل وهأفرح أنك شغلته .... شغله بقى أبوس رجلك!!!