بالصوت.. تفاصيل اتفاق «داعش» و«بيت المقدس» على إقامة «ولاية سيناء».. «الثعلب المصري» يخترق «الفرقان» ويفضح المؤامرة.. الجماعة تبايع «أبو بكر».. و10 آلاف دولار مقابل تنفيذ المخطط

حصلت «فيتو» على مكالمة صوتية بين أحد قيادات جماعة «أنصار بيت المقدس»، ومندوب تنظيم «داعش»، يتفقان خلالها على إقامة ولاية سيناء في مصر، ويوضح التسجيل طريقة التواصل بينهما وإرسال الدعم والأموال.
وأكد الرائد خالد أبو بكر، المتحدث الرسمي باسم الجيش المصري الإلكتروني، أن «الثعلب المصري» استطاع اختراق الجهاز الإعلامي لتنظيم داعش «الفرقان»، والحصول على مكالمة هاتفية بين مندوب «داعش» في سيناء، ومنفذي مجزرة كمين كرم القواديس، والتي توضح الاتفاق على العملية مقابل الحصول على 10 آلاف دولار، بالإضافة إلى إقامة ولاية سيناء في مصر.
وجاء نص المكالمة كالتالي:
«بيت المقدس»: خلاص دبحوهم ياشيخ وشغلوا العبوات والألغام وحرقوهم حرق
«داعش»: تبايع «أبو بكر» ولا متبايعش «أبو بكر»
«بيت المقدس»: أنا أبايعه ومستعد كل الأخوة اللي معايا بفضل الله عز وجل
«داعش»: ودولة الإسلام؟
«بيت المقدس»: أيوة أيوة.. دولتنا.. الدولة اللي بناها أبو موسى من ذي قبل
«داعش»: اسمع.. اسمع ياعم الحج.. الأسبوع ده هبعتلك 10 آلاف دولار يجولك لغاية عندك
«بيت المقدس»: اسمع.. قبل ما تبعت قولي عشان عايز أديك اسم أخ تبعتهم عليه
«داعش»: لأ بص.. اسمع مني أنت.. أنا هتصل عليك وأنا هناك عندك جوه في سيناء.. عندك في سيناء.. وأنا موجود عندك.. يا أخي.. هيوصلوا عندك هيقولوله وصلنا هيدهملهم.. فاهم المقصود إيه؟
«بيت المقدس»: طيب ماشي ماشي المهم أنت أهم حاجة مش عايزك تربطني بأي حد من سيناء
«داعش»: لأ لأ.. لا تقلق يا عم الشيخ.. هذا أخ يكون معي أنا يمكن أنت تعرفه "أبو عبيدة المصري"
«بيت المقدس»: منين هو منين؟
«داعش»: إسكندراني هو.. وشغال مع الشيخ أيمن.
«بيت المقدس»: بس بس هو ده بص بص يا عمرو.
«داعش»: ماذا؟
«بيت المقدس»: اسمعني سامعني..
«داعش»: آه سامعك.. سامعك سامعك
«بيت المقدس»: بص اسمع مني.. أنا شفت اللي عمري ما شفته في تاريخ حياتي من سيناء وناس سيناء عشان كده بقولك متربطنيش بأي حد من سيناء بس.