جاءت المدارس وكثرت الحوادث

ساعة طلوع الشمس
جالي الخبر
ابني مات
جريت عليه في وسط البلد
بقي جثة سودا مفحمة
مش باقي غير ذكريات
شوية كتب على كراسات
وهدمة متقطعة
وجزمة متفرتكة
وكلمتين على الحيطان
كان كاتبهم على الشهيد
كان راح يقولهم نشيد
هو كمان أصبح شهيد
مفيش منه غير صور
متعلقة على الجدران
وضحكة صافية في ألوان
وحق ضاع في البلد
ياللا العجب العجب
دا كل حاجة حلوة فيكي
اتكسرت اتحطمت
دبلت كمان قبل الأوان
ماتت خلاص ف الغيطان
أنا ابني مات
دا كل يوم بتزيد الأموات
والحلم الجميل مات
حلمي كان يكون طبيب
يداوي العلل
يصبح هو كل الألم
هو الألم كل العدم
كان حلمي يكون عريس
ليلة حنة وزفة وفرح
الحنة بقت سواد في سواد
والزفة اتقامت قبل الميعاد
وولدي راح للتراب
كنت بتباهى به وأكيد العدي
ابني والوحيد سندي وضهري
كل حلمي كان يوديني أناااا
ويقيم حداد وياخد العزااا
آخد أنااا فيه العزاااا
لا فلوس راح تداوي الجراح
ولا هترجع اللي راح
والحق ضاع
ما بين وزير ومحافظ وسواق
ياعيني عليكِ يا بلد
الحق عند الرب هو
اللي يجيب الحق
كل البلد قامت حداد
على الزهور اللي راحت
قبل الميعاااد
بقيت جثث متفحمة
على الأسفلت
متحروقة كلها أشلاء
سواد ف سواد