علياء المهدي تثير سخرية النشطاء على تويتر..محمد راتب: "شكلنا كلنا هنقلع المرة دي.. علياء متعودة تقلع مع كل استفتاء"

أثارت الصورة التي نشرت للناشطة الحقوقية علياء المهدي للتعبير عن رفضها للدستور ردود أفعال الكثير من النشطاء المصريين والعرب، إما برفض ذلك الشكل الذي عرضت به علياء رأيها أو بالسخرية منه، وجذبت صورة علياء المهدي مئات النشطاء منذ ظهورها عارية.
مصطفى فؤاد ساخرا: "علياء المهدي قلعت تاني".
محمود قال: "علياء عبرت عن وجهة نظرها بوجهة نظرها".
محمد عيسوي قال: "هيطلع شوية ناس يدافعوا عن علياء المهدي ويقولك حرية..نفس نوعية اللي بيدافعوا عن عبد الله بدر، بس من الناحية التانية..حمقى مثيرون للشفقة".
محمد راتب: "شكلنا كلنا هنقلع المرة دي، علياء المهدي متعودة تقلع كل استفتاء.... ما لكم دا حتى قطع العوائد فأل وحش".
محمد السريا: "علياء المهدي بتتظاهر عريانة عشان رافضة الدستور؟ ربنا مسلط عليهم دماغهم...انشر يا بني الخبر ده في المحافظات بكرة خلينا نخلص بدري بدري".
إبراهيم أبو النور: "بعض الأشخاص يرفعون نسبة تأييد الدستور بمعارضتهم له، علياء المهدي مثالاً".
كريم عبد النبي: "هي علياء المهدي بتضرب فينا احنا مش في الإخوان والسلفيين..يكفي أن مؤيدين الدستور يستغلوا اللي بتعمله عشان يحشدوا لنعم في الاستفتاء".
وقال الزويدي: "علياء المهدي بنت المجنونة بتقلد المتظاهرات في أوكرنيا".
إبراهيم الغزالي قال: "في هوجة الخناقات على الدستور تطلع علياء المهدي تضرب كرسي في الكلوب".
عمرو قال: "عشان منوجعش دماغنا، ممكن نتفق إن من حق علياء المهدي تقلع هدومها ... ومن حقي أقول: إن اللي بتعمله ده مش هينفع المرأة بتعريفه؟؟".
عبد القادر: "جوجل اتلخبط مش فاهم إحنا عايزين علياء المهدي ولا علي بن أبي طالب؟".
هاني البنا: "حد عنده صور علياء المهدي الجديدة؛ لأني بحثت عنها ما لقيت حاجة، وبحث في وكالة الأنباء الفرنسية اللي بيقولوا التقطوا الصور لها لم أجد شيئا".
وقال أحمد سيد شيكا: "أوبااا .. هي علياء المهدي نزلت بالألبوم الجديد؟".
وقال من وصف نفسه بالرد تيجر: "استبدال موضوع الرسوم المسيئة للرسول صلى الله عليه وسلم بموضوع علياء المهدي ورفضها لمرسي والشريعة والدستور كلام كبير".
كريم السيد: "علياء ماشية بمبدأ كل ما تتزنق أقلع".
أبو فهد السعودي: "علياء متعرية وسط نساء عاريات من أعضاء جماعة حقوق الأوكراني يتظاهرن ضد الدستور المصري".
وقال من وصف نفسه- هقول لا للدستور-: "علياء المهدي دي دماغها مهوية زيها زي السلفيين والإخوان بالضبط".
وقالت رحاب عوف: "صدفة علياء المهدي تظهر في كل مرة يكون فيها استفتاء ولا نيلة فنشربها؟ مين صفوت الشريف بتاع الإخوان.. الموضوع ده ريحته مش تمام".
مي جودة: "طب عشان بس نبقى متفقين...أنا هتضامن مع حازمون والإخوان لو قتلوا علياء المهدي عادي جدا".
وقال إسلام محمود: "علياء المهدي قلعت هدومها في السويد وهي رافعة علم مصر .. عظيمة يا مصر".
وقالت منى صلاح: "مع أول خبر نزل عن علياء المهدي .. الناس كلها جريت على جوجل، ولا أكننا في فيلم محامي خلع وداليا البحيري في البحر والبلد كلها بتجري عليها".
أما علي فقال: "لو سيدات مصر بتفكر بنفس طريقة علياء المهدي بس من غير قلع هدوم... لن يقدر عليكم إخوان أو أي عفريت أزرق".
أحمد أشرف محمد قال: "بذمتكو في حد قلبه مطاوعوا يرفض الدستور بعد ما علياء المهدي رفضته...!".
رانيا شكري قالت: "المتأسلمين شايفين إن النقاب دليل التدين..وناس زي علياء المهدي شايفين إن القلع دليل الحرية..الاثنين بالنسبة لي فكرهم مشوه وغير سوي!".