بالفيديو.. الشاعر «محمد السيد».. «أبيض غامق»

من ديوان "أبيض غامق" والصادر فى طبعته الثانية، عن دار «دوّن» للنشر والتوزيع، يقدم الشاعر "محمد السيد" قصيدة "التغريبة"، وتقول كلماتها:
طعم البعاد صبار
والغربة ليل بهتان
يا قلبى يا موجوع
إياك تكون قلقان
لو طالت المسافات
أنا والأمل إخوات
وتالتنا كان الليل
ده أنا ليا فيها النيل
وليها فيا الروح
مخترتش إنى أروح
ما أنا جوعى كان كفران
ملعون أبوك يا طموح
آخرك تشوفلى كفيل
أنا مش ف بلدى عويل
لكنى مش بتشاف
زهرة سنينى عجاف
مع إن ليا عزيز
افتونى فى رؤياى
لمو الآمانى إزاى
حطوها ع الباسبور
أحلامى صبحت بور
ممنوع عليها الضى
لكنى مش قلقان
تذكرتى رايح جى