status& tweets

أحمد فاروق: اختيار صاحب مطعم «مؤمن» لمجلس الشورى (يغذى) الحياة البرلمانية فى مصر.
سعيد الشرباصي: وبالنسبة لرئيس الوزراء القادم.. لو بناخد بالخبرة يبقى الجنزورى- لو بناخد بالثورة يبقى البرادعى- لو بناخد بالجزمة يبقى خيرت الشاطر.. لكم الخيار.
سماح العدوي: عاجل: بعد ارتفاع سعر الدولار الى مستوى قياسي.. الجنيه المصري يهبط الى دوري الدرجة الثانية لينافس الجنيه السوداني والسنكوح الموزمبيقي.
محمد ربيع: الزند اتحدف بطوبة قامت العدالة ماسكة المتهمين ال3 ف ثوانى، وهتحاكمهم واحتمال تعدمهم.. الثوار اتقتلوا برصاص حى، قامت العدالة بقالها سنتين ماسكة الهوا بإيديها.
سامح طه: اللي يدخل محمد مؤمن صاحب محال «مؤمن» بتاعة السندوتشات لمجلس الشوري علشان اسم «مؤمن»، يدخل الخواجة كنتاكي هيئة كبار العلماء علشان سلفي.
وليد نور الدين: بعد اللبس الجديد اللي الداخلية جابته للأمن المركزي مش هاستغرب لو لقيت «مباشر من ميدان التحرير» على قناة سبيس توون.
مصطفى عيسى: طبعا نهاية العالم دى مش فارقة مع مبارك.. لانه عامل شفرة الموت.
حسن محمد: مصرى فى نهاية العالم.. صورونى والنيزك جاى من ورايا ومش واخد بالى.
شريف محمد: نهاية العالم قربت وخلاص عرفنا مصيرنا.. السؤال اللى بيفرض نفسه دلوقت: بعد ما كوكب الأرض هيتدمر، صباح هتروح تعيش فين؟
شادي حسن: أنا بطالب هيئة الانشاءات العمرانية باستبدال كرسي مرسي اللي في الاتحادية بمبنى صخري حجري يشبه «التل» حتى تصح مقولة خربها وقعد على تلها..
فاطمة الاسيوطي: مرسى بعد ما خدنا لحم ورمانا عضم ولبسنا الدستور مبقاش يبوسنا ويحضنا زى زمان.. أنا بكره الرجالة كلهم بكرههم بكرههم بكرههم.
خالد الغرباوي: بما ان فيه حاجة اسمها غزوة الصناديق، وبما ان الصناديق اتكلمت وقالت للدستور نعم وأساسا الصناديق دى جماد بس قامت بدور رئيسى فى مستقبل مصر، انا اطالب من مكانى هذا ان يتم تخصيص كوتة في البرلمان للجماد، ويكون فيه وزارة للجماد، وانا هعمل نفسى صندوق من دلوقتى.
نبيل صادق: تخيلوا لو البنات ياخدوا فرصة التعليق علي المباريات.. وااااااااو هدف كيوت يجنن يجنن مش معقول.. ييييييييه داعت الفرصة.. دربة ركنية.. كارت أحمر زي لون مناكيري.. للاعب رقم سفن.. تبديل اتراري بسبب إسابة اللاعب رقم ثري.. وقوع اللاعب علي الأرد وبيترتش دم.. يا مامي منزر بيقتع القلب.