«مبقتش تفرق» قصيدة لهناء عبد المعز

"مبقتش تفرق أي حاجة وكل حاجة في دنيتي
مانت كنت في يوم فرحتي
كنت أصلا ضحكتي
كنت تيجى وتقولى أنتى نعمة أدهالي ربنا
كنت تضحك ألف ضحكة وأنت جنبى وتبقى شايل هم وحدتى
وكنت ليه ألف دمعه كسرتنى!!
كنت تصحى من نومك ليلاتى وتشوف عنيه من البكا متبهدلة
وتسألنى إيه مقعدنى السعادى؟؟
عماله ابكى وادعى أنك تكونلى سند وطمنتنى وقولتلى متخفيش
أنا ليكى وسييبها على الله ربك رحيم...
ده أنا بحبك يا كل حاجة في دنيتي.
واديتنى ألف وعد أنك تكونلى أمان
عمرك ما تخون ولا تقسى ولا تتجرد من الحنان
عمرى ما هشوف منك ظلم ولا حرمان
وصحيت منك على أكبر ألم
وخدعتنى
كل الوعود سراب...
كل الأحلام كابوس مبنسهوش
بيتعاد زى الشريط ليل نهار
صحيت على أعلى صوت سمعته في حياتى
سبتها ومش عاوزها مكنتش شايفها دنيتى
وألف بغبغان يردد وراه اعذروه صدقوه
عمره ماداق معاها لا راحة ولا يوم هنا
وأنا عمرى ما هكدب كلامك وهأكده
وأقول لكل اللى يسمعك صدقوه
ماهو في يوم بعهده وبوعده التزم؟؟؟
أصلا كل اللى كان بينا اتنسى".