نشطاء تويتر يرفضون غرامة ال"500 جنيه" على المقاطعين.. جيجا:هتضربونا بالقنابل النووية إمتي..بجاد: المصيبة إن فيه ناس خافت.. أيمن: 500 جنيه للمقاطعين بالرقص ولا من غيره..كمال:الحكومة دي هبلة

أثار إقرار اللجنة العليا للانتخابات بفرض غرامة 500 جنيه على من يرفض الإدلاء بصوته في الانتخابات الرئاسية حالة من السخط والغضب بين أوساط النشطاء على مواقع التواصل الاجتماعي، مؤكدين أن ما يحدث هو فرض لإرادة اللجنة العليا نرفضه جملة وتفصيلا.
مصطفى منصور: "والله واحنا كمان في ناس بتعدي بمكرفونات وبيهددوا إن لو في واحد منزلش هيخدوا منه غرامة 500 جنيه والله الكلام ده حصل عندنا".
جيجا شمندورة: "يعني الخطوة الأولانية إن اللي ميصوتش هيدفع 500 جنيه غرامة.. والخطوة التانية هيتحول للنيابة.. هتضربونا بالقنابل النووية إمتي سعادتك؟."
عميد شاهين: "إزاي نشجع الناس على النزول يا... !!بتاع المالية: يا فندم نعمل غرامة 500 جنيه للي مش هينزل"
بجاد: "واضح أن كل الأمهات عايزة تنزل تنتخب، المصيبة إن فيه ناس خافت لما سمعت حكاية ال500 جنيه غرامة".
أيمن الطحان: "غرامة 500 جنيه للمقاطعين ده بالرقص ولا الرقص غرامة لوحدها".
هيثم كمال: "ناخب لله يا محسنين..طب غرامة 500 جنيه الحكومة دي هبلة ؟!#إحنا جيل وإنتوا جيل".
دعاء المغازي: "بيقولك اللي مش هيروح يصوت هيدفع غرامة 500 جنيه #ياترقصي ياتدفعي"
أبو بكر طارق: "توقيع غرامة مالية قدرها 500 جنيه لمن يتخلف عن التصويت.. وغرفة عمليات وزارة العدل: قاضي اللجنة يرصد من تخلفوا عن التصويت ويحرر محاضر في النيابة العامة والغرامات تنفذ بعد صدور حكم قضائي يقضي بذلك"
أسامة مغربي: "بابا أنا مقاطع..متقاطع وأنا أعملك إية.. يابابا إنت فاهم الموضوع غلط....في غرامة 500 جنيه للمقاطعين..انزل جرى يا... "
zhemr tanash: "أخويا أول ماعرف بحوار 500 جنيه غرامة خد أمي ونزلوا جري على اللجنة وقبل مينزلوا حلفتلهم على المصحف إنهم ينتخبوا حمدين".
محمد يسري: "إية البلطجة دية. على القناه الرسمية منزلين 500 جنيه غرامة ونازلين تخوين وتشويه في كل واحد كبر دماغه وما راحش."
محمد مدحت: "500 جنيه غرامة للي مش هينزل ينتخب.. تعال خدهم مني في القسم بقى"
أدهم صبري: "مطلعين غرامة 500 جنيه ونروح النيابة أحب أقول لكم مش هنروح..مش هنروح"
سالي سيد: "غرامة 500 جنيه ايه بس هو أنا لاقيه 50 جنيه أخرج عشان ادفع غرامة إيه ناس..."
كمال الحداد: "الجوامع بتنده اللي مش نازل غرامة 500 جنيه برده# مش نازل"
أحمد توفيق: "طبعًا أنا كنت مقاطع بس بعد ما قالوا إن في غرامة 500 جنيه وعرض على النيابة العامة فأنا خوفت واترعبت وقررات أن #مش نازل".
نبيل مجدي" ههههههههههههههههههه بيلفوا الآن نحو بيتنا بالمكرفونات إللي مش هينزل هيدفع 500 جنيه غرامة ناوليني جردل مية ياأمي.وحشتوني ياولاد"
سيجل: "على فكرة أنا كنت نازل انتخب انهاردة بالتحديد من ساعة المهم وأنا بلبس لاقيتهم كاتبين على التليفزيون غرامة 500 جنيه للمتخلف عن التصويت اللي مش جاي خالص يعني فقولت كلمة قبيحة الصراحة وقولت يعني لابس ونازل في الحر على شان رايح انتخب حمدين وأنا عارف أصلا إن السيسي اللي هيكسب وفى الآخر لو حصل حاجة ومروحتش هدفع 500 فخدني العند وحلفت ما ني نازل وفعلا مش هروح ورونا بقى هتدفعوني إزاي".