لقطات من محاكمة «وادى النطرون».. مصطفى الغنيمى نائم في القفص.. المحكمة تسخر من «جن » صفوت.. حجازى: أنا هنا تنفيذًا لأوامر الرئيس مرسي.. المعزول: مش سامع حاجة "أنتم حرين".. والقاضى: نعيد الكلام تاني

واصلت محكمة جنايات شمال القاهرة المنعقدة بأكاديمية الشرطة برئاسة المستشار شعبان الشامى، نظر قضية محاكمة الرئيس المعزول محمد مرسي عيسى العياط و130 متهما آخرين من قيادات جماعة الإخوان الإرهابية وحزب الله وحماس في قضية " الهروب من سجن وادى النطرون ".
إعفاء الغنيمي من الحضور
وطلب الدفاع عن المتهم "مصطفى الغنيمى " إعفاء موكله من الحضور نظرا لحالته الصحية السيئة وإصابته بتصلب في الشرايين..
وررد القاضى: إحنا ها نقلبها مستشفى هنا ولا إيه؟
المتهم نائم
ونادي على المتهم من داخل قفص الاتهام.. فأبلغه باقى المتهمين بأنه نائم..
وطلب الدفاع نقل موكله لمستشفى المنيل الجامعى، واستفسر القاضى عن سبب تحديد تلك المستشفى بالذات، فأكد بأن بها قسما خاصا بالغضاريف.
توكيل سيارة لكريمة حجازي
وطلب دفاع صفوت حجازى، بتحرير توكيل خاص بالإدارة وترخيص السيارة 5694 ج.ن باسم كريمته روفيدا صفوت حمودة حجازى.
ورد القاضى تعليقا على أرقام السيارة: جن!!
ونادت المحكمة على المتهم صفوت حجازى والذي لم يجب في البداية ثم عاد ورد قائلا، أنا موجود، وأنا هنا لطلب رئيس الجمهورية الدكتور محمد مرسي بأن أضع وجهى في مواجهة المحكمة والمنصة.
فقال له القاضى:" اقعد يعنى أنت هنا لا تنصاع لأوامر المحكمة؟!!!!
فرد دفاعه.. معذرة يا سيادة القاضى نحن هنا جميعا ننصاع لأوامر سيادتك.
مرس يشتكي من الصوت
وقال محمد مرسي الرئيس المعزول من داخل قفص الاتهام في قضية:" أنا قاعد ساكت من الأول مش عايز أتكلم، لما الشاهد بيتكلم بسمعه ولما المحامى بيتكلم بسمعه، ولما المحكمة بتتكلم أنا ما بسمعهاش..يا ريت تحلوا المشكلة دى.. لو في مايك "ميكروفون" تانى ركبوه.. إلا لو انتوا مش عايزنا نسمع خلاص انتوا حرين.
فرد القاضى قائلا: كل اللي إحنا بنعمله ده وبرده ومش سامعين، فرد مرسي: لا لا أنا بس اللى مش سامع.
فرد القاضى: لو حضرتك مش سامع قولى وإحنا نعيد الكلام تانى.. فرد مرسي..حاضر وشكرا.
وكشف أمر الإحالة بالقضية تورط 131 متهمًا يتقدمهم الرئيس المعزول محمد مرسي وقيادات جماعة الإخوان والتنظيم الدولي للجماعة، وحركة حماس الفلسطينية وتنظيم حزب الله اللبناني في قضية اقتحام السجون المصرية إبان أحداث 25 يناير 2011 والمعروفة إعلاميا بقضية اقتحام سجن وادي النطرون، واختطاف ضباط الشرطة واحتجازهم بقطاع غزة.