سعر الذهب في مصر اليوم الأربعاء 20-8-2025 مع بداية التعاملات    الرهائن ال20 والإعمار، ويتكوف يكشف وصفة إنهاء حرب غزة    شهداء وجرحى جراء في غارات إسرائيلية متواصلة على خان يونس    "تفوق أبيض وزيزو الهداف".. تاريخ مواجهات الزمالك ومودرن سبورت قبل مباراة الدوري    نجم الزمالك ينعى محمد الشناوي في وفاة والده    الكشف عن طاقم تحكيم مباراة الزمالك ومودرن سبورت بالدوري    البيت الأبيض يُطلق حسابًا رسميًا على "تيك توك".. وترامب: "أنا صوتكم لقد عدنا يا أمريكا"    أسعار الفراخ اليوم الأربعاء 20-8-2025 في بورصة الدواجن.. ثمن الدجاجة والكتكوت الأبيض    د.حماد عبدالله يكتب: كفانا غطرسة.. وغباء !!    صعبة وربنا يمنحني القوة، كاظم الساهر يعلن مفاجآت للجمهور قبل حفله بالسعودية (فيديو)    حمزة نمرة عن أحمد عدوية: أستاذي وبروفايل مصري زي الدهب»    لأول مرة .. برج المملكة يحمل أفيش فيلم درويش    المناعة الذاتية بوابة الشغف والتوازن    تبكير موعد استدعاء 60 ألف جندي احتياطي إسرائيلي لاحتلال غزة    محاكمة المتهم بابتزاز الفنان طارق ريحان اليوم    31 مليون جنيه مصري.. سعر ومواصفات ساعة صلاح في حفل الأفضل بالدوري الإنجليزي    ترامب: رئيس البنك المركزي يضر بقطاع الإسكان وعليه خفض أسعار الفائدة    مجلس القضاء الأعلى يقر الجزء الأول من الحركة القضائية    10 صور ترصد استعدادات قرية السلامية بقنا للاحتفال بمولد العذراء    6 رسائل مهمة من مدبولي أمام مجلس الأعمال المصري الياباني بطوكيو    موعد بدء تنسيق المرحلة الثالثة 2025 ونتيجة تقليل الاغتراب (رابط)    تنسيق الثانوية العامة 2025.. كليات المرحلة الثالثة من 50% أدبي    فلكيا.. موعد المولد النبوي الشريف 2025 في مصر وعدد أيام الإجازة الرسمية للموظفين والبنوك    خلال بحثه عن طعام لطفلته.. استشهاد محمد شعلان لاعب منتخب السلة الفلسطيني    بعد موافقة حماس على وقف اطلاق النار .. تصعيد صهيوني فى قطاع غزة ومنظمة العفو تتهم الاحتلال يتنفيذ سياسة تجويع متعمد    الإليزيه: ربط الاعتراف بفلسطين بمعاداة السامية مغالطة خطيرة    مصدر أمني ينفي تداول مكالمة إباحية لشخص يدعي أنه مساعد وزير الداخلية    حسام المندوه: بيع «وحدت أكتوبر» قانوني.. والأرض تحدد مصير النادي    نبيل الكوكي: التعادل أمام بيراميدز نتيجة مقبولة.. والروح القتالية سر عودة المصري    محافظ شمال سيناء يلتقى رئيس جامعة العريش    مصطفى قمر يهنئ عمرو دياب بألبومه الجديد: هعملك أغنية مخصوص    ترامب يترقب لقاء بوتين وزيلينسكي: «أريد أن أرى ما سيحدث»    جولة ميدانية لنائب محافظ قنا لمتابعة انتظام عمل الوحدات الصحية    في أقل من 6 ساعات، مباحث الغربية تضبط سائق شاحنة دهس طفلا وهرب بقرية الناصرية    أكلة لذيذة واقتصادية، طريقة عمل كفتة الأرز    بالزغاريد والدموع.. والدة شيماء جمال تعلن موعد العزاء.. وتؤكد: ربنا رجعلها حقها    المقاولون يهنئ محمد صلاح بعد فوزه بجائزة أفضل لاعب فى الدوري الإنجليزي    أحمد العجوز: لن نصمت عن الأخطاء التحكيمية التي أضرتنا    1 سبتمر.. اختبار حاصلى الثانوية العامة السعودية للالتحاق بالجامعات الحكومية    «مصنوعة خصيصًا لها».. هدية فاخرة ل«الدكتورة يومي» من زوجها الملياردير تثير تفاعلًا (فيديو)    حملة مسائية بحي عتاقة لإزالة الإشغالات وفتح السيولة المرورية بشوارع السويس.. صور    مصرع والد محمد الشناوي .. القصة الكاملة من طريق الواحات إلى كفر الشيخ    شاهد.. رد فعل فتاة في أمريكا تتذوق طعم «العيش البلدي المصري» لأول مرة    بعيدًا عن الشائعات.. محمود سعد يطمئن جمهور أنغام على حالتها الصحية    هشام يكن: أنا أول من ضم محمد صلاح لمنتخب مصر لأنه لاعب كبير    رئيس وكالة «جايكا» اليابانية مع انعقاد قمة «التيكاد»: إفريقيا ذات تنوع وفرص غير عادية    تنفيذ حكم الإعدام في قاتل المذيعة شيماء جمال وشريكه    تخريج دفعة جديدة من دبلومة العلوم اللاهوتية والكنسية بإكليريكية الإسكندرية بيد قداسة البابا    السيطرة على حريق بأسطح منازل بمدينة الأقصر وإصابة 6 مواطنين باختناقات طفيفة    رسميا الآن بعد الارتفاع.. سعر الدولار مقابل الجنيه المصري اليوم الأربعاء 20 أغسطس 2025    حدث بالفن| سرقة فنانة ورقص منى زكي وأحمد حلمي وتعليق دينا الشربيني على توقف فيلمها مع كريم محمود عبدالعزيز    تحتوي على مواد مسرطنة، خبيرة تغذية تكشف أضرار النودلز (فيديو)    تعدّى على أبيه دفاعاً عن أمه.. والأم تسأل عن الحكم وأمين الفتوى يرد    هل الكلام أثناء الوضوء يبطله؟.. أمين الفتوى يجيب    كيف تعرف أن الله يحبك؟.. الشيخ خالد الجندي يجيب    أمين الفتوى ل الستات مايعرفوش يكدبوا: لا توجد صداقة بين الرجل والمرأة.. فيديو    الشيخ خالد الجندى: افعلوا هذه الأمور ابتغاء مرضاة الله    بالصور- افتتاح مقر التأمين الصحي بواحة بلاط في الوادي الجديد    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



أسئلة من غير رد غطاها
نشر في التحرير يوم 09 - 10 - 2011

أنا النهارده وفى ذكرى حرب أكتوبر «المجيدة» عايز أسأل السادة المجلس العسكرى شوية أسئلة كده على ما قُسُم! هل يا سادة تعلمون إن لمّا يبقى قانون الطوارئ ده من أهم ما أفسد مصر ودمّر حياتها السياسية وبوّظ الداخلية؛ هل مش ملاحظين أبدا إن لمّا تفضلوا تدافعوا عن وجوده، (وكمان تعارُضا مع ما جاء فى الإعلان الدستورى اللى انتو عملتوه بإيديكو) هل تفتكروا إن ده مابيخلّيناش على الأقل نقلق ممّا تنوون؟
هل لمّا تقاوموا كل تلك المقاومة عشان تحموا رموز الوطنى المُنحل الغاصب الغاشم، ومش بس تحموهم لأ كمان تسمحولهم يبقوا جزء من المستقبل اللى حيفضل سنين طويلة ينضّف قذارة الماضى (اللى هُمّ نفسهم إشتركوا فى صناعته) هل تفتكروا إن ده بيطمّنّا على ذلك المستقبل؟ هل تفتكروا إن ده ما بيخلّيناش نشك فى ليه انتو بتعملوا كده؟
هل لمّا نبقى بنَصرُخ جميعا بقالنا شهور طويلة، نقول ان المحاكمات العسكرية للمدنيين تسببت فى إن آلاف المصريين الشرفاء اللى لم يقترفوا ذنبا مرميين فى السجن الحربى، وانتو تتجاهلوا كل هذا الصراخ، هل تفتكروا إن ده بيخلّينا نثق فى انّكو فعلا حتساعدوا مصر انّها تتغيّر بعد ما كانت طول عمرنا، مخروس صوتها ومُكبّلة أيديها وأرجُلها؟ هل تفتكروا إن إنتهاك واضح صريح زى ده لحقوق الإنسان، برَميُه فى السجن بلا محاكمة عادلة، بيخلّى الشعب المصرى يثق فى نيّاتكو إنّكو عايزين تجيبوله حقوقه المُغتَصَبة؟
هل تفتكروا انّكو لمّا تبقوا مُصرّين على قانون طوارئ فى وقت مصر متسابة مَرتَع للّصوص، سارحين فيها بطولها وعرضها زى ما يكونوا فى الصحرا، ومافيش كمين يوحّد ربّنا على أى طريق يشوف رخص العربيات المسروقة بالمئات ولا يفتّش عن الأسلحة الآلى اللى بقى إقتناءها فجأة هواية فى مصر! ده حتّى المرور، المرور، يوم كده تصحى تلاقى ميدان كبير بيصب وبيطلع منّه طرق كبيرة ومافيهوش ولا عسكرى مرور! هل كل ده وغيره ممكن يكون والله أعلم عشان إخترتولنا أو إختارلنا عصام بيه شرف، وزير داخلية راجل طيّب ساب الداخلية من 14 سنة؟ هل تفتكروا إن ده مابيخلّيناش نحس انّكو عاجبكو إحساس المصريين بعدم الأمان وهم ماشيين فى الشارع؟
هل تفتكروا إن الإعتصامات والإضرابات اللى بتحصل دى بتلقى دعم الكثيرين عشان الكثيرين دول عايزين الإنتاج يُقَف والبلد تفلّس! ولّا عشان مش لاقيين طرق تانية يضغطوا عليكو بيها عشان تبدأوا فعلا تاخدوا خطوات حقيقية تطمّنهم انّكو عايزين نفس اللى هُمّ عايزينُه، فكلّنا نصبر ونصَبّر بعض على اللى محتاج وقت عشان يتصلّح؟
هل تفتكروا إن كل ما نفتح التليفزيون المصرى نلاقيه بيَتَغنّى بروعة وحكمة وقدرة المجلس العسكرى على صياغة مستقبل البلاد، ويُختَم ذلك «الكونشيرتو» العظيم بالبيه اللى طلع صارحنا إن سيادة المشير شكلُه ينفع جدا رئيسا لمصر بالبدلة المدنية الشيك بتاعته! هل تفتكروا إن دى تصرّفات مُطمئنة جدا للّى بيحلموا بدولة مدنية محترمة بعد السنين العجاف؟ هل تعلمون يا سادة إن لما الواحد مننا بيشوف فيديو (الأسبوع اللى احنا فيه ده مش من زمان يعنى ولا حاجة) فيه حوالى عشرين عسكرى شرطة عسكرية بينكّلوا بشاب مصرى من المعتصمين، بالعُصيان والشلاليت وهو مرمى عالأرض لا حول له ولا قوّة، هل تعلمون إن ده ليس من المجد فى شيء؟ هل تعلمون إن ده بيُلحق العار بصورة جندى الجيش المصرى وضابطه اللى واقف وراه بيحمّسه إنّه يسحق «العدو» اللى مرمى عالأرض؟ يا أخى ده لو أسير حرب مايصحّش تضربه كده! هل تعلمون إن ده بيكرّه ناس كتير فى المؤسسة العسكرية كلّها فى وقت كلّنا (إحنا وانتو) فى حاجة إن كل الناس تثق فيها؟
هل مش واخدين بالكو خالص إنّكو لمّا تمنعوا تراخيص محطّات التليفزيون، وتقتحموا مكتب الجزيرة مباشر مصر بحجّة فارغة -قال إيه ماعندهمش تصريح- (واحنا الشهادة لله شُفنا الفيديو وماكانش فيه جيش ولا حاجة، دول حتّى أخبرونا إن دى المُصنّفات الفنية!) بس بغض النظر يعنى عن الحكاية دى، إحنا وانتو عارفين من بيَدُه زمام الأمور، انتو. إنتو حاكم البلاد اللى مافيش حاجة بتحصل غصب عنكو (ده على الاقل يعني)، إحنا بس اللى يحصل غصب عنّنا عشان احنا يادوب شعب مصر. طب قولولنا عملوا إيه غلط عشان نبقى فاهمين بدل حكاية المصنّفات والترخيص دي! عالأقل يعنى عاملونا زى مانكون ناس كبار، زى ما نكون شعب شم نَفَسُه بعد عشرات السنين من القهر والتسلّط والتحكّم فى مصيره. الجزيرة مباشر أو أى محطّة فى الدنيا قالت أو عرضت ما يعاقب عليه القانون ماتحاكموهم بالقانون. مش تفتكروا إن تصرّف زى ده بيحسّسنا إن مافيش قانون ولا حاجة، إنّهم ماعملوش حاجة غلط ولا حاجة بس بيقولوا كلام مش على هواكم، وانتو مابتحبّوش الكلام اللى مش على هواكم؟ علما بإن فى نفس ذات الوقت بيطلع مثلا يعنى السيد الدكتور توفيق عكاشة وزميله السيد «زبايدر» يملا دماغ المصريين اللى بيتفرّجوا عليه بشكوك واكاذيب وتخوين وإهانات لمرشحى رئاسة! وفى نفس ذات الوقت نلاقى فيديو عالإنترنت لأحد من يسمّونهم مشايخ بيقول ان الديمقراطية كُفر ومن يريدونها المُلحدون بتوه زواد المثليين! برضه كإنّه فى الصحرا، ولا حد بيقوله انت بتعمل إيه!
هل مش ملاحظين خالص انكو لمّا تمنعوا مواضيع من النشر اللى مش عاجباكو من الجرايد، تبقوا بتعملوا أسوأ من اللى كان بيعمله النظام الفاسد العقيم القديم؟ بجد مش واخدين بالكو؟ الموضوع اللى يُعرَض فى التليفزيون أو يتنشر فى جرنال ويحمل كذب أو تضليل مايروح اللى نشروه لقاضى يحكم عليهم لو غلطوا! لكن لمّا تعملوا كده مش ده بيقولّنا إنكو بتداروا على أخطاء أو جرائم انتو عايزينها تفضل مدفونة؟ مش ده ممكن نفهم منّه احنا انّكو بتداروا زى اللى قبلكو على فساد؟ مش ده بيخلّينا نسأل نفسنا، هو انتو بتداروا على فساد تانى ليه؟ مش ده «ممكن» يخلّينا مانثقش فيكو؟!
السياسة قذرة صحيح ومليئة كواليسها بتعقيدات ومافيش شعب فى الدنيا بيسمحله نظامه السياسى بمعرفة كل تفاصيل ما يجرى فى الكواليس، لكن ده احنا كده ماعندناش غير حاجات مش فاهمينها! ماعندناش غير أسئلة من غير اجابات، ماعندناش غير الحيرة والشك والقلق. والمُتفائلين منّا وأنا على رأسهم بقوا بيُتّهَموا بالجنون. مفيش مكان أسأل كل الأسئلة اللى عندى وعندكو، ومافيش كمان داعى لطرح الاسئلة اللى إجاباتها قد تكون مُحرجة فماحدّش حيجاوب عليها بس يا سادة يا أعضاء المجلس العسكرى حاكم البلاد؛ هل تعلمون ان الثقة بتُستَحَق وتُكتَسب بما تفعلون؟ وهل تعلمون انّها لا تُستحق وتثكتسب بطيّارات ال F16 وهى بتجوب سماء القاهرة فوق راسى دلوقتي؟
أكبر جرائم نظام مبارك العَفِن إنّه مافكّرش أبدا فى اللى احنا شايفينه منهم، ماترتكبوش نفس الجريمة تانى نرجوكم جميعا، شعب بحالُه بمحتالُه بمُستقبلُه على المحك!


انقر هنا لقراءة الخبر من مصدره.